बऱ्याचदा जेवणानंतर खूप भाकरी उरते. अशावेळी तुम्ही या भाकरीपासून सकाळचा हेल्दी नाश्ता तयार करू शकता. या उरलेल्या शिळ्या भाकरीपासून छान उपमा तयार करू शकता.
भाकरीपासून उपमा बनण्यासाठी लागणारे साहित्य :
- उरलेली भाकरी
- १ कांदा (बारीक चिरलेला)
- ३-४ हिरव्या मिरच्या
- १ चमचा मोहरी
- १ चमचा जिरे
- कोथिंबीर (बारीक चिरलेला)
- कढीपत्ता
- तेल आवश्यकतेनुसार
- मीठ चवीनुसार
- Advertisement -
कृती :
- सर्वप्रथम रात्री उरलेली भाकरी ५ मिनिट पाण्यामध्ये भिजत ठेवा.
- ५ मिनिटानंतर भाकरी नरम झाल्यावर तिचे बारीक तुकडे करून घ्या.
- आता भाकरीचे तुकडे मिक्सरमधून वाटून घ्या.
- एकीकडे गॅसवर कढई तापत ठेवा.
- तापलेल्या कढईत तेल टाका, तेल गरम झाल्यानंतर त्यात मोहरी, जिरे, कढीपत्ता, कांदा, मिरची भाजून घ्या.
- त्यानंतर त्यात थोडी हळद आणि बारीक केलेली भाकरी टाकून सर्व मिश्रण एकजीव करा.
- आता त्यात चवीनुसार मीठ टाकून ५-१० मिनिट छान परतून घ्या. परतलेल्या भाकरीवर कोथिंबीर घालून गरमागरम सर्व्ह करा.
- Advertisement -
