ओट्स खाल्ल्याने आरोग्याशी संबंधित अनेक समस्या दूर होतात. मधुमेह, रक्तदाब यांसारखे अनेक धोके कमी करण्यासाठी हे उपयुक्त आहे. पण तुम्हाला माहिती आहे का की हे आरोग्यासोबतच त्वचेसाठीही खूप फायदेशीर आहे. होय, चमकदार त्वचा मिळविण्यासाठी तुम्ही ओट्सपासून बनवलेला फेस पॅक वापरू शकता.
ओट्स हे सुपरफूड म्हणून ओळखले जाते. अनेकदा लोकांना नाश्त्यात ओट्स खायला आवडतात. तसेच यामध्ये झिंक, मॅग्नेशियम, लोह, मॅंगनीज, फॉस्फरस असे सर्व पोषक घटक आढळतात, जे आरोग्यासाठी आवश्यक असतात. पण तुम्हाला माहित आहे का, त्वचेशी संबंधित समस्या दूर करण्यासाठी ओट्स देखील प्रभावी मानले जातात. तुमची त्वचा तेलकट असो वा कोरडी, तुम्ही त्याचा वापर करून त्वचा स्वच्छ ठेवू शकता. ओट्सपासून बनवलेले हे फेस पॅक खराब झालेली त्वचा दुरुस्त करण्यास मदत करतात. चला तर मग जाणून घेऊया हा फेसपॅक घरी कसा बनवायचा.
असा बनवा ओट्स फेसपॅक जाणून घ्या साहित्य आणि कृती
हा फेस पॅक चेहऱ्यावर साचलेली घाण काढून टाकतो. लिंबूमध्ये असलेले ब्लीचिंग घटक त्वचेचा रंग उजळण्यास मदत करतात, तर दुधाच्या वापराने चेहरा उजळतो.
साहित्य
- दोन चमचे ओट्स
- एक चमचा लिंबाचा रस
- एक चमचा दूध
कृती
- प्रथम, दोन चमचे ओट्स उकळवा आणि त्यांना थंड होऊ द्या.
- नंतर त्यात दोन चमचे दूध आणि लिंबाचा रस घाला.
- हे घटक चांगले मिसळा आणि चेहऱ्यावर लावा.
- आता हा फेसपॅक 20 मिनिटांनंतर कोमट पाण्याने स्वच्छ धुवा.