तुम्ही जेव्हा एखाद्या मुलांना पाहता तेव्हा ते किती समजूतदार आणि आत्मविश्वासू आहेत हे ठरवता आणि याचे श्रेय त्याच्या आई-वडिलांना दिले जाते. खरंतर आई-वडिल जसे शिकवतात तसेच मुलं शिकते. अशातच तुम्हाला तुमच्या मुलाला आत्मविश्वासू बनवायचे असेल तर पालकांनी आधी स्वत:ला या सवयी लावून घ्या.
मुलांच्या वागण्याकडे लक्ष द्या
तु्म्ही मुलांचे कौतुक करा पण अतिकौतुक ही करु नका. जर त्यांनी चांगले काम केले तर खरंच कौतुक केले पाहिजे. याचसोबत मुलं कशी वागतात याकडे सुद्धा पहा. मुलांच्या वाईट सवयींना वेळीच थांबवा. पालकांनी आपले मुलं काय करतयं यावर जरुर लक्ष ठेवले पाहिजे.
मुलांना लज्जास्पद वाटेल असे वागू नका
तुमचे अनुकरण करुनच मुलं शिकतात हे पालकांनी नेहमीच लक्षात ठेवले पाहिजे. त्यामुळे पालकांनी आपल्या मुलांसमोर किंवा त्यांच्यासोबत गैरवर्तवणूक करु नये. याचा मुलांच्या मानसिकतेवर परिणाम होऊ शकतो हे पालकांनी लक्षात ठेवावे.
सेल्फ ग्रोथवर लक्ष द्या
पालकांनी मुलांकडे लक्ष द्यावेच. पण आपल्या ग्रोथवर ही फोकस करावा. जर तुमचे वागणे उत्तम असेल तशीच मुलं सुद्धा वागतील. सध्याच्या काळात पालकांनी या मुद्दावर विचार केला पाहिजे.
भावनांबद्दल बोला
पालकांनी मुलांशी मित्रत्वाच्या नात्याने रहावे. जेणेकरुन ते तुमच्यासोबत त्यांच्या मनातील भावना शेअर करतील. पालकांसोबत अशा काही अॅक्टिव्हिटी करता ज्यामध्ये मुलांना त्यांच्या भावनांबद्दल ही कळेल. त्यानंतर त्यांना विचारा की, त्यांना त्या बद्दल काय वाटते.
मुलांना आमिष दाखवू नये
कधीकधी मुलांच्या चुकीच्या वागण्यावरुन त्यांना ओरडतात किंवा त्यांना एखाद्या गोष्टीचे आमिष दाखवतात. पण असे पालकांनी कधीच करु नये. पालकांनी मुलांना नेहमीच इतरांशी उत्तम कसे वागावे हे शिकवावे. चुकीचे वागलात तर त्यामुळे नुकसान ही होते असे सुद्धा मुलांना सांगा.
हेही वाचा- Parenting Tips: ऑनलाईन जगात दिसतं तसं नसतं, मुलांना सांगा ‘या’ गोष्टी
…………………………………
