नाते दीर्घकाळ टिकण्यासाठी केवळ प्रेम पुरेसे नसते. नात्यात भांडणे होणेही तितकेच आवश्यक आहे. पण, अनेक भांडणे इतके लांब ओढली जातात की, त्याचा परिणाम नात्यावर दिसू लागतो. इतकंच काय काही कपल्समध्ये अगदी घटस्फोटापर्यंत विषय जातो. मात्र, कपल्सने असे न करता समस्येवर त्याचवेळी लगेचच तोडगा काढणे आवश्यक असते. अशाने तुमचे नाते अधिक दृढ होण्यास आणि दीर्घकाळ टिकण्यास मदत मिळते.
एकमेकांची सपोर्ट सिस्टीम बना –
तज्ज्ञांच्या मते, नात्यात संवेदनशीलता आणि एकमेकांचा पाठिंबा हा नात्याचा मूलभूत पाया असतो. अशावेळी एकमेकांच्या भावना समजून घेत एकमेकांची सपोर्ट सिस्टीम बनणे आवश्यक आहे. अशाने जीवनातील संर्घषाच्या काळातही नाते घट्ट राखण्यास मदत मिळते.
एकमेकांचा आदर राखणे –
रिलेशनशिप एक्सपर्टच्या मते, आदर आणि विश्वासाच्या जोरावर नात्याची ताकद वाढते. नात्यामध्ये दोघांकडूनही एकमेकाना आदर मिळणे, नाते अधिक दृढ होण्यासाठी आणि दीर्घकाळ टिकण्यासाठी मदत होते.
नात्यात सवांद महत्वाचा –
तज्ज्ञांच्या मते, नात्यात सवांद महत्वाची भूमिका बजावतो. कोणत्याही समस्येचे वेळीच निराकरण, मोकळ्या मनाने बोलणे आणि समस्यांचे निराकरण केल्यास नाते अधिक दृढ होते. इतकंच काय तर ,नात्यातील संवादामुळे एकेमकांचे प्रॉब्लेम्स आणि एकमेकांचे विचार समजून घेण्यास मदत मिळते. अशाने नात्यामध्ये कोणत्याही प्रकारची लपवाछपवी होत नाही आणि नाते अधिक दृढ होत जाते.
वेळ देणे –
नात्यात वेळेचे महत्व विसरता कामा नये. वेळ ही नात्यात सर्वात मौल्यवान आणि अत्यंत महत्वाची मानली जातो. त्यामुळे नात्यात वेळ देणं खूप गरजचे असते. वेळ दिल्याने पार्टनरसोबतचे बॉन्डिंग वाढते.
समतोल राखणे –
जेव्हा दोघेही एकमेकांशी सामंजस्याने वागतात तेव्हाच नाती टिकतात आणि अधिक दृढ होतात.
हेही वाचा : पार्टनरच्या ‘या’ अपेक्षा नात्यात ठरतात अडचणी
