ज्योतिष शास्त्रात राशींना विशेष स्थान प्राप्त आहे. ज्योतिष शास्त्रात एकूण 12 राशी आहेत ज्या 27 नक्षत्रांमध्ये विभाजित केल्या जातात. जन्म नक्षत्रानुसार प्रत्येक व्यक्तीची एक रास असते. व्यक्तीच्या राशीनुसार त्याचा स्वभाव, गुण तसेच राशीचा ग्रह स्वामी सांगितला जातो. ज्योतिष शास्त्रातील 12 राशींपैकी पहिली मेष रास मानली जाते. आज आम्ही तुम्हाला मेष राशीसाठी 2024 वर्ष कसे असेल तसेच या वर्षात त्यांनी कोणत्या देवाची उपासना करावी हे सांगणार आहोत.
मेष राशीसाठी 2024 वर्ष
मेष राशीचा स्वामी ग्रह मंगळ आहे. त्यामुळे या व्यक्तींमध्ये मंगळ ग्रहाप्रमाणे उत्साह दिसून येतो. या वर्षाची सुरूवात देखील मेष राशीसाठी खूप उत्साही आणि आनंद घेऊन येणारी ठरेल. करिअरसाठी 2024 मेष राशीसाठी उत्तम असेल. या वर्षात कामाच्या ठिकाणी पद-प्रतिष्ठा आणि मान मिळेल. यंदा तुमची आर्थिक स्थिती देखील उत्तम राहिल. मात्र, यंदा खर्चाचे प्रमाण अधिक राहिल. कुटुंबात शुभकार्य होतील.
परंतु वैवाहिक जीवनात अनेक अडचणींचा सामना करावा लागेल. त्यामुळे जोडीदारासोबत गैरसमज होणार नाहीत याची काळजी घ्या. आरोग्याच्या बाबतीत हे वर्ष सामन्य राहिल. डोकेदुखीचा त्रास अधिक जाणवेल.
गणपती आणि हनुमानाची करा उपासना
:max_bytes(150000):strip_icc()/GettyImages-173296989-5c5e137ac9e77c000159c403.jpg)
- 2024 सुखकर जावे यासाठी मेष राशीच्या व्यक्तींनी श्री गणेश आणि श्री हनुमानांची अधिक भक्ती करावी.
- प्रत्येक मंगळवारी श्री गणेश किंवा हनुमान मंदिरात जावे. यावेळी लाल फुलं आणि प्रसाद म्हणून बुंदीचा लाडू देखील घेऊन जावा.
- दररोज श्री गणेश अर्थवशीर्ष आणि हनुमान चालिसा वाचावी. यामुळे या दोन्ही देवता नेहमी तुमच्यावर प्रसन्न राहितील.
- मंगळवारी लाल रंगाचे वस्त्र धारण करावे.
- मंगळवारी मांसाहार, मद्यपान करु नये. या दिवशी केवळ सात्विक आहार घ्यावा.
