मेनोपॉजनंतर महिलांची हाडं अधिक मजबूत राहत नाहीत आणि ऑस्टियोपोरोसिस सारखी हाडांसंबंधित समस्या होण्याचा धोका अधिक असतो. अशातच आम्ही तुम्हाला अशा काही फूड्स बद्दल सांगणार आहोत जी मेनोपॉजनंतर सुद्धा हाडांचे आरोग्य मजबूत ठेवण्यास मदत करतात.
तज्ञ असे सांगतात की, एस्ट्रोजन हाडांच्या बळकटीसाठी फार महत्वाची भूमिका बजावतात. जेव्हा महिला या मेनोपॉजच्या स्थितीतून जातात तेव्हा त्यांच्या शरिरातील एस्ट्रोजनचा स्तर घसरतो. ते हार्मोन पीरियड्सला नियमित करण्याचे काम करतो आणि कॅल्शिअमला शरिरात अवशोषित करण्यास मदत करतो. परंतु जेव्हा याचे उत्पादन कमी होऊ लागते तेव्हा जेवणातून कॅल्शिअम तयार होण्याच्या क्षमतेत कमरता येऊ लागते. असे झाल्यास हाडं तुटण्याचा धोका अधिक वाढला जातो. या वयातील महिलांची हाडं कमजोर आणि ठिसूळ होऊ लागतात. अशातच तुम्ही या वयात हाडांना पोहचणाऱ्या नुकसानीला पूर्णपणे थांबवू शकत नाहीत. परंतु हाडं अधिक बळकट करण्यासाठी काही टीप्स वापरु शकता.
-हिरव्या भाज्या खा
मेनोपॉज दरम्यान हाडांच्या बळकटीसाठी तुमच्या आहारात हिरव्या पालेभाज्यांचा समावेश असावा. यामधून विटामिन-के, कॅल्शिअम आणि मॅग्नेशियम सारखी पोषक तत्वे मिळतात. डाएटमध्ये पालक, केळं, कोबी, ब्रोकली यांचा समावेश ही तुम्ही करु शकता. तज्ञांच्या मते, हिरव्या भाज्या कॅल्शिअम आणि विटामिन-डी हे मेटाबॉलिज्मसाठी फार गरजेचे असतात.
-वेजिटेरियन प्रोटीन
न्युट्रिशनिस्ट असे सांगतात की, प्लांट बेस्ड आधारित प्रोटीनमध्ये फाइटोएस्ट्रोजेन असते. जे शरिरात एस्ट्रोजनचा स्तर वाढवण्यास मदत करतात. हाडांच्या आरोग्यासाठी हे अनिवार्य असते. कारण एस्ट्रोजेन ऑस्टियोब्लास्टच्या अॅक्टिव्हिटीला प्रोत्साहन देतात. जेव्हा मेनोपॉज दरम्यान एस्ट्रोजेनचा स्तर कमी होतो, तेव्हा हाडांची डेनसिटी सुद्धा कमी होते. वेजिटेबल प्रोटीनसाठी तुम्ही टोफू, छोले आणि अळशीचे सेवन करु शकता.
-डेयरी प्रोडक्ट्स
हाडांच्या आरोग्यासाठी डेयरी प्रोडक्ट्सची गरज असते. दही, दूध आणि पनीरमध्ये कॅल्शिअम, फॉस्फरस, पोटॅशियम, मॅग्नेशियम आणि विटामिन-के सारखी तत्व असतात. जे हाडांच्या आरोग्यासाठी फायदेशीर असते.
-काळे मनुके
मेनोपॉजनंतर हाडांच्या आरोग्यासाठी काळे मनुके सुद्धा फायदेशीर ठरतात. तज्ञ असे सांगतात की, काळ्या मनुकांमध्ये विटामिन के उच्च प्रमाणात असते. यामुळे बोन मासला नुकसान पोहचण्याची शक्यता कमी होते.
हे देखील वाचा: वारंवार स्नायू दुखत असतील तर शरिरात ‘या’ गोष्टीची असू शकते कमतरता
