सध्या कोरोनाने देशात कहर केला आहे. दिवसेंदिवस कोरोनाग्रस्तांची संख्या झपाट्याने वाढताना दिसत आहे. मात्र, या कोरोनावर मात करायची असेल तर रोग प्रतिकारशक्ती अर्थात इम्युनिटी पॉवर चांगली असणे आवश्यक असल्याचे बोलले जाते. रोग प्रतिकारशक्ती अधिक चांगली असल्यास, अशा लोकांना कोरोना व्हायरसची लागण होण्याचा धोका कमी असल्याची माहिती आहे. त्यामुळे ही रोग प्रतिकारशक्ती वाढवण्यासाठी ढोबळी मिरची फारच लाभदायक ठरते. याशिवाय ढोबळी मिरचीचे अनेक फायदे देखील आहेत.
रोग प्रतिकारकशक्ती सुधारते
ढोबळ्या मिर्चीचे सेवन केल्याने पोटाचे अल्सर, फ्लू, हृदयरोग, उच्च रक्तदाब, मधुमेह यासारख्या गंभीर आजारांपासून बचाव होण्यासाठी ढोबळी मिरची अत्यंत फायदेशीर ठरते. तसेच व्हिटॉमिन सी युक्त ढोबळी मिरचीमुळे रोग प्रतिकारकशक्ती सुधारते.
मेटाबॉलिझम सुधारते
ढोबळ्या मिरचीमुळे मेटाबॉलिझम सुधारते आणि वजन कमी करण्यास मदत होते. वजन कमी करण्याच्या अनेक सप्लीमेंट्स, गोळ्यांमध्ये याचा वापर केला जातो. त्यामुळे आहारात विविध रंगी मिरच्यांचा अवश्य समावेश करा.
पोटांचे अल्सर रोखण्यासाठी उपयुक्त
पोटातील हानीकारक बॅक्टेरियांपासून वाचण्यासाठी आणि पोटांचे अल्सर रोखण्यासाठी ढोबळी मिरची उपयुक्त ठरते. यामुळे पचन सुधारते आणि अपचनाचा त्रास कमी होतो.
नाकातील वायुमार्गाची स्वच्छता
नाकातील वायुमार्गाची स्वच्छता करते आणि बंद नाकामुळे होणारा त्रास कमी करण्यासाठी फायदेशीर ठरते.
कोंग्निटिव्ह फंक्शनमध्ये सुधारणा
अभ्यासानुसार, ढोबळी मिरची खाल्ल्याने चाळीस वर्षांच्या वरील व्यक्तींच्या कोंग्निटिव्ह फंक्शनमध्ये सुधारणा होण्यास मदत होते.
