मराठा आरक्षण सुनावणी ५ फेब्रुवारीपर्यंत पुढे 

कित्येक दिवसांपासून प्रलंबित असलेला मराठा आरक्षणाबाबत बुधवारी सुप्रीम कोर्टात सुनावणी झाली. मात्र, आजच्या सुनावणीत घटनापीठाने कोणताही निर्णय दिला नसून, पुढील सुनावणी ही ५ फेब्रुवारीला होणार आहे. याआधी झालेल्या सुनावणीत न्यायालयाने २५ जानेवारीपासून अंतिम सुनावणी करण्याचा निर्णय घेतला होता. मात्र, पाच दिवस आधीच म्हणजेच २० जानेवारीला हे प्रकरण सुनावणीसाठी घेण्यात आले होते.