मध्य प्रदेशातील होशंगाबाद येथे कारचा भीषण अपघात झाल्याची माहिती समोर येत आहे. या अपघातात राष्ट्रीय स्तरावरील चार हॉकीपटूंचा दुर्दैवी मृत्यू झाल्याचे सांगितले जात आहे. तसेच अन्य तीन खेळाडू जखमी झाले असून त्यांना जवळच्या हॉस्पिटलमध्ये उपचारासाठी दाखल करण्यात आले आहे. जखमींपैकी एकाची प्रकृती चिंताजनक आहे. राष्ट्रीय महामार्ग क्रमांक ६९ वर रैसलपूर गावाजवळ हा अपघात झाला. अपघातग्रस्त स्वीफ्ट डिझायर कारमध्ये एकूण सात खेळाडू होते. हे सर्व खेळाडू मध्य प्रदेश हॉकी अकादमीचे होते. ध्यानचंद हॉकी स्पर्धेत सहभागी होण्यासाठी ते होशंगाबादला आले होते. इटारसीच्या दिशेने जाताना चालकाचा गाडीवरील ताबा सुटल्याने ही कार एका झाडावर जाऊन आदळली. त्यात चौघांचा जागीच मृत्यू झाला.
Madhya Pradesh: Four national level hockey players dead, three injured, in a car accident in Hoshangabad pic.twitter.com/otLiRNQzoQ
— ANI (@ANI) October 14, 2019
मिळालेल्या माहितीनुसार
स्पर्धेत सहभागी झालेल्या काही खेळाडूंची राहण्याची व्यवस्था इटारसी येथे करण्यात आली होती. मात्र तिथे जातानाच ही दुर्घटना घडली. शाहनवाझ खान, आदर्श हरदुआ, आशिष लाल आणि अनिकेत अशी मृत खेळाडूंची नावे आहेत. तर जखमी खेळाडूंची ओळख अद्याप पटलेली नाही.
रैसलपुर, होशंगाबाद में ध्यानचंद्र ट्राफी में खेलने जा रहे हॉकी खिलाड़ी शाहनवाज खान,आदर्श हरदुआ,आशीष लाल व अनिकेत की सड़क दुर्घटना में मौत का दुःखद समाचार मिला। ईश्वर से प्रार्थना है कि वे दिवंगत आत्माओं को शांति, परिजनों को यह दुःख सहने की शक्ति दें व घायलों को शीघ्र स्वस्थ करें।
— Shivraj Singh Chouhan (@ChouhanShivraj) October 14, 2019
होशंगाबाद प्रशासनाने या अपघाताच्या चौकशीचे आदेश दिले आहेत. दरम्यान, मध्य प्रदेशचे माजी मुख्यमंत्री शिवराज सिंह चौहान यांनी या घटनेबद्दल तीव्र दु:ख व्यक्त केले आहे. चौहान यांनी मृत खेळाडूंची नावे ट्विट करून त्यांना श्रद्धांजली वाहिली आहे. ईश्वर त्यांच्या कुटुंबीयांना हे दु:ख सहन करण्याची शक्ती देवो, असे ट्विट त्यांनी केले आहे.
