पेट्रोल-डिझेलच्या दरामध्ये वाढ सुरुच आहे. आज १७ वा दिवशी पेट्रोल आणि डिझेलच्या दरात पुन्हा वाढ झाली आहे. त्यामुळे जनता आणखी त्रस्त झाली आहे. मुंबईमध्ये पेट्रोलच्या दरामध्ये १४ पैशांनी तर डिझेलच्या दरामध्ये १५ पैशांनी वाढ झाली आहे. त्यामुळे मुंबईत पेट्रोल ८८.२८ रुपये प्रतीलिटर तर डिझेल ७७.४७ रुपये प्रतीलिटर दराने मिळत आहे. आधीच महागाईने त्रस्त झालेल्या जनतेच्या खिशाला यामुळे आणखी फटका बसत आहे. पेट्रोल-डिझेलच्या सतत वाढणाऱ्या दराच्या विरोधामध्ये सोमवारीच काँग्रेससह २१ पक्षांनी भारत बंदची हाक दिली होती. भारत बंदच्या दुसऱ्या दिवशी पेट्रोल आणि डिझेलचे दर कमी न होता त्यामध्ये वाढ झाली आहे.
Petrol at Rs 80.87/litre (increase by Rs 0.14/litre) and diesel at Rs 72.97/litre (increase by Rs 0.14/litre) in Delhi. Petrol at Rs 88.26/litre (increase by Rs 0.14/litre) and diesel at Rs 77.47/litre (increase by Rs 0.15/litre) in Mumbai. pic.twitter.com/WGSTqR16Ey
— ANI (@ANI) September 11, 2018
१७ व्या दिवशी इंधनाच्या दरात वाढ
मुंबईमध्ये पेट्रोलच्या किंमतीने ८८ चा आकडा गाठला. तर डिझेलच्या दराने ७७ चा आकडा गाठला आहे. तर राजधानीमध्ये पेट्रोलच्या दरामध्ये १४ पैशांनी आणि डिझेलच्या दरामध्ये १४ पैशांनी वाढ झाली आहे. त्यामुळे दिल्लीमध्ये पेट्रोल ८०.८७ रुपये प्रतीलिटर तर डिझेल ७२.९७ रुपये प्रतीलिटर झाला आहे. इंधनाच्या दरामध्ये होणाऱ्या वाढीमुळे जनता हैराण झाली आहे. या दर वाढीमुळे इतर वस्तूंच्या किंमती देखील वाढल्या आहेत.