हिवाळ्यामध्ये सर्वाधिक प्रभाव शरीराच्या फिटनेसवर पडतो. हा प्रभाव आहारामध्ये अचानक आलेल्या बदलामुळे होतो. यामुळे तुमची जाडी वाढण्याची भीती अधिक असते. वातावरण बदलले की त्याचा परिणाम पहिला आपल्या शरीरावर होत असतो. त्यासाठी आपल्या आरोग्याकडे लक्ष देणे आवश्यक आहे. या दिवसांमध्ये डाएटमध्ये थोडासा बदल केल्यास तुम्हाला फायदेशीर ठरू शकते. या कारणांमुळे डाएटमध्ये बदल करणे गरजेचे आहे.
* हिवाळ्यामध्ये अनेक जण व्यायाम कमी करतात. पण डाएटमध्ये तेच पदार्थ खात असतात जे व्यायाम करत असताना खात असतात. यामुळे तुमच्या शरीरात अतिरिक्त फॅट जमा होण्याची भीती असते.
* हिवाळ्याच्या दिवसांमध्ये शरीर गरम राहण्यासाठी अतिरिक्त ऊर्जेची आवश्यकता असते. यामुळे या दिवसामध्ये जास्ती भूक लागते.
* वातावरणात बदल झाल्यानंतर सॅड (सीजनल अफेक्टिव डिसऑर्डर) यापासून रक्षण करण्यासाठी अनेक जण ओव्हरडाएटिंग करत असतात.
* डिसेंबर महिन्यात नवीन वर्ष आणि ख्रिसमसचे सेलिब्रेशन्स मोठ्या धूमधडाक्यात केले जाते. या काळात अनेक जण ओव्हरडायटिंग करण्यास सुरुवात करतात.
हिवाळ्यात काय खावे?
जमिनीत उगवणार्‍या भाज्या गाजर, शलगम (कंदमुळे) हे पौष्टिक असतात. याचे सेवन करण्यामुळे थंडी सहन करण्याची क्षमता वाढते. यामुळे सर्दी-खोकला आणि ताप हे आजार होण्यापासून रक्षण होते.
ग्रीन टी
एंटी-ऑक्सिडेंट्सने भरपूर ग्रीन टी प्यायल्याने बॅक्टेरिया आणि व्हायरसपासून रक्षण करते. यामुळे रोगप्रतिकार शक्ती वाढण्यास मदत होते.
लसूण
लसूण खाल्ल्याने शरीर गरम राहण्यास मदत होते. लसणामुळे अनेक आजारांपासून रक्षण होते.
मध
मधाच्या सेवनामुळे देखील शरीरात गरमी राहण्यास मदत होते. सकाळी दुधामध्ये साखर टाकण्याऐवजी मध टाकून प्यायल्यास फायदा होईल.
हिरव्या भाज्या
हिरव्या भाज्यांमध्ये व्हिटॅमिन ए, सी उपलब्ध असतात. ही जीवनसत्वं हिवाळ्यात शरीराला महत्त्वाची असतात.
फळं
संत्रे, द्राक्षे या फळांमध्ये व्हिटॅमिन सी उपलब्ध असते. यामुळे त्वचा निरोगी राहण्यास मदत होते. याच्या सेवनामुळे मेटाबॉलिजम उत्तम होते. तसेच कोलेस्ट्रॉल कमी करण्यास मदत होते.
काय खाणे टाळावे?
कार्बोहायड्रेट्स
हिवाळ्यात सर्वाधिक कार्बोहायड्रेट असलेला आहार जसे तांदूळ, ब्रेड खाणे आरोग्यासाठी चांगले असते. परंतु या पदार्थांच्या अति सेवनामुळे नुकसान होण्याची भीती असते. त्यामुळे या पदार्थांच्या ऐवजी तुम्ही प्रोटीनयुक्त डाएट घेण्याचा प्रयत्न करा.
गोड
हिवाळ्यात गोड पदार्थ खाणे योग्य असते असे मानण्यात येते. पण याच्या अतिसेवनामुळे वजन वाढण्याचा धोका अधिक संभवतो. त्यामुळे या दिवसांमध्ये केक, कुकीज यासारखे पदार्थ खाणे टाळले पाहिजे.
कोल्ड ड्रिंक्स
सोडा असणारे पदार्थ हिवाळ्यात प्यायल्याने वजन लवकर वाढण्याचा धोका असतो. कुकीजप्रमाणे यामध्ये देखील अधिक प्रमाणात कॅलरी असतात.
डेअरी प्रोडक्ट्स
हिवाळ्याच्या दिवसांमध्ये दूध आणि दुधापासून तयार करण्यात आलेले पदार्थ जसे चीज, पनीर आणि तुप याच्या सेवनामुळे घसा, नाक आणि छातीमध्ये कफ होण्याची भीती असते.
हाय कॅलरी फूड
जाडी वाढवणारे सर्व पदार्थ खाणे टाळावे. शरीर गरम ठेवण्यासाठी तुम्हाला असे पदार्थ खाण्याची इच्छा होणे सहाजिक आहे. पण असे पदार्थ सतत खाण्यामुळे ओव्हरडायटिंग आणि जाडी वाढण्याचा धोका अधिक असतो.
