राज्यात उन्हाची चाहूल लागताच पुन्हा अवकाळी पावसाला सुरुवात झाली आहे. प्रादेशिक हवामान विभागानेही येत्या काही दिवसांमध्ये अनेक राज्यात जोरदार वाऱ्यासह पाऊस आणि गारपीटीचा इशारा दिला आहे. १८ ते २० मार्चदरम्यान नागपूरसह वर्धा आणि गोंदियात वादळी पाऊस आणि गारपीटीचा इशारा देण्यात आला होता. यात नागपूर जिल्ह्यात आज सकाळपासून पावसाने हजेरी लावली आहे. नागपूरच्या वाडी, दत्तवाडी, हिंगणा, गोंडखैरी परिसरात आज सकाळपासून पावसाच्या हलक्या सरींना सुरुवात झाली आहे. जोरदार वारा आणि ढगांच्या गडगडाटासह हलक्या सरींमुळे परिसरात काळोख पसरला आहे.
मध्यम-स्तरीय पश्चिमेकडील वारे आणि खालच्या स्तराच्या पूर्वेकडील वार्याडच्या आंतर क्रिये च्या प्रभावा खाली, 18 ते 20 मार्च 2021 दरम्यान मध्य महाराष्ट्र, मराठवाडा विदर्भात मध्ये मेघ गरजेनेसह पाऊस पड्ण्याची शक्यता आहे सोबतच एक किंवा दोन ठिकाणी गारपीट होण्याची शक्यता आहे pic.twitter.com/d4h5bFCZNw
— Regional Meteorological Center,Mumbai (@RMC_Mumbai) March 16, 2021
हवामान विभागाने आधीच नागपूर सह पूर्व विदर्भात काही ठिकाणी अवकाळी पावसाचा इशारा दिला आहे. यात १८ ते २० मार्चदरम्यान मध्य महाराष्ट्र, मराठवाड्यामध्ये मेघ गर्जनेसह पाऊस पड्ण्याची शक्यता आहे. तर विदर्भात मेघ गर्जनेसह गारपीट होण्याची शक्यता आहे. नागपुर, वर्धा, गोंदिया, भंडारा या जिल्ह्यांमध्ये पावसाचा आणि गारपिटीचा प्रभाव असेल असे हवामान विभागाकडून स्पष्ट करण्यात आले आहे. यामुळे अनेक भागात ३० ते ४० किलोमीटर प्रतिताशी वेगाने वादळ होण्याची शक्यताही वर्तवण्यात आली आहे. त्यामुळे शेतकऱ्यांना आणि नागरिकांना हवामान विभागाने सावधगिरी बाळगण्याचा इशारा दिला आहे.
— Regional Meteorological Center,Mumbai (@RMC_Mumbai) March 16, 2021
या अवकाळी पावसाचा परिणाम अनेक जिल्ह्यातील हवामानावर जाणवू लागला आहे. आज (गुरुवारी) पुण्याचे वातावरणात १७.९ अं.से हलका गारवा जाणवत होता. तर सकाळी मुंबईचेही तापमान २४.४ अं.से नोंद झाली आहे. या वातावरण बदलाचा परिणाम देशातील मध्य प्रदेश, छत्तीसगढ राज्यातही जाणवणार आहे, अशी माहिती ज्येष्ठ हवामान तज्ज्ञ कृष्णनंद होशाळीकर यांनी दिली आहे.
१८ मार्च, पुणे 17.9°C हलका गारवा..आज पहाटे.
मुंबई मात्र 24.4°C pic.twitter.com/BxASrT8qqH— K S Hosalikar (@Hosalikar_KS) March 18, 2021
