मुंबईतील अँटॉप हिल परिसरात तीन घरं कोसळली आहेत. आज सकाळी ८ च्या सुमारास अँटॉप हिलमधील कोकरी आगर, जय महाराष्ट्र नगर झोपडपट्टीत ही ३ घरे कोसळली आहेत. यावेळी ढिगाऱ्यातून ९ जणांना सुखरुप बाहेर काढण्यात अग्निशमन विभाग आणि एन्टोफिल पोलिसांनी यश आले आहे. या ९ जणांमध्ये ४ पुरुष, २ महिला आणि ३ मुलांचा समावेश आहे.
G+2, G+2, G+1 अग्निशमन विभाग आणि एन्टोफिल पोलिसांनी घटनास्थळी पोहोचून घरात अडकलेल्या ९ जणांना बाहेर काढले. याप्रकरणी अँटॉप हिल पोलिसांकडून तपास सुरु आहे. या ढिगाऱ्यातून बाहेर काढलेल्या ६ जखमींना सायन रुग्णालयात दाखल करण्यात आले आहे. सध्या ढिगाऱ्याखाली आणखी कोणीही अडकल्याची माहिती नाही. अग्निशमन दलाच्या चार गाड्या घटनास्थळी दाखल झाल्या होत्या. आत्ता ढिगारा बाजूला करण्य़ाचे काम सुरु आहे.
या दुर्घटनेतील तिन्ही घरांमध्ये रेशन दुकान, भंगार दुकान आणि मिठाचे दुकान होते. रेशन दुकानावर दुरुस्तीचे काम चालू होते. याच रेशन दुकानाच्यावरती भंगाराची दोन घरे होती. तर मिठाच्या दुकानाच्यावर १ घर होते. मात्र ही घरं अचानक कोसळली. सुदैवाने यात कोणाही मृत्य़ूमुखी पडले नाही.
A house collapsed in Antop Hill area of Mumbai. Nine persons rescued and shifted to a hospital: Mumbai Fire Brigade pic.twitter.com/Q1rY6TEt6l
— ANI (@ANI) November 9, 2021
जखमींची नावे
१) सुरेंद्र मिश्रा (वय ५९ )
२) अमित मिश्रा (वय २४ )
३) पुनम शर्मा (वय २८) महिला
४) विलोन शर्मा (वय ४०)
५) दिव्या शर्मा ( वय ४५) महिला
६) विवान शर्मा (वय २ वर्षे) लहान मुलगा
या जखमींवर सायन रुग्णालायात उपचार सुरु आहेत.
