इंडियन प्रीमियर लीग (IPL) स्पर्धेत आज मुंबई इंडियन्स आणि दिल्ली कॅपिटल्स या तुल्यबळ संघांमध्ये सामना होत आहे. चेन्नईत धावांचा पाठलाग करणे अवघड जात असल्याने या सामन्यात मुंबईचा कर्णधार रोहित शर्माने नाणेफेक जिंकून प्रथम फलंदाजीचा निर्णय घेतला आहे. तसेच मुंबईच्या संघात एक बदल करण्यात आला आहे. वेगवान गोलंदाज अ‍ॅडम मिलनेच्या जागी ऑफस्पिनर जयंत यादवला मुंबईने संधी दिली आहे. खेळपट्टी फिरकीला अनुकूल असल्याने आम्ही अतिरिक्त फिरकीपटू खेळवत असल्याचे मुंबईचा कर्णधार रोहितने सांगितले. त्यामुळे आजच्या सामन्यात मुंबईकडून क्विंटन डी कॉक, किरॉन पोलार्ड आणि ट्रेंट बोल्ट हे केवळ तीन परदेशी खेळाडू खेळणार आहेत.
Rohit Sharma calls it right at the toss and elects to bat first against the #DelhiCapitals in Chennai.
Follow the game here – https://t.co/XxDr4f4nPU #VIVOIPL #DCvMI pic.twitter.com/TMuusCUC1G
— IndianPremierLeague (@IPL) April 20, 2021
हेटमायर, मिश्राचे पुनरागमन
चेन्नईत मुंबईचा हा चौथा सामना असून दिल्लीचा पहिलाच सामना आहे. दिल्लीलाही प्रथम फलंदाजी करायला आवडली असती असे नाणेफेकीच्या वेळी कर्णधार रिषभ पंत म्हणाला. दिल्लीने या सामन्यासाठी संघात दोन बदल केले असून क्रिस वोक्स आणि मेरीवाला यांच्या जागी शिमरॉन हेटमायर आणि अमित मिश्रा यांना संधी देण्यात आली आहे. मुंबई आणि दिल्ली या दोन्ही संघांनी आतापर्यंत आपले तीन पैकी दोन सामने जिंकले आहेत.
A look at the Playing XI for #DCvMI #VIVOIPL https://t.co/FqQ307ytI6 pic.twitter.com/bJf28bpU2P
— IndianPremierLeague (@IPL) April 20, 2021
