नवी दिल्ली : छत्रपती शिवाजी महाराज संपूर्ण देशाचे प्रेरणास्थान असून त्यांचे कर्तृत्व अफाट आहे. त्यांची तुलना कोणाशीही होऊ शकत नाही. छत्रपती शिवाजी महाराज यांचे चरित्र आणि कार्य संपूर्ण जगासमोर नेण्यासाठी तसेच नव्या पिढीला प्रेरणा देण्यासाठी नवी दिल्ली येथे ‘छत्रपती शिवाजी महाराज राष्ट्रीय स्मारक’ (CHHATRAPATI SHIVAJI MAHARAJ NATIONAL MEMORIAL) उभे करावे अशी मागणी खासदार उदयनराजे भोसले (udayanraje bhosale)यांनी केंद्रिय गृहमंत्री अमित शाह (Amit Shah) यांच्याकडे केली आहे.
उदयनराजे भोसले सध्या दिल्ली दौऱ्यावर असून त्यांनी दिल्ली येथे अमित शहांची भेट घेतली. यावेळी त्यांनी राष्ट्रपुरूषांचा अवमान रोखणारा कायदा आणावा तसेच छत्रपती शिवाजी महाराजांचे शासनमान्य अधिकृत चरित्र प्रकाशित करावे, याशिवाय त्यांनी विविध विषयांवर अमित शहा यांच्याशी चर्चा केली.
छत्रपती शिवाजी महाराज देशाचे प्रेरणास्थान आहेत. त्यांचे कर्तृत्व अफाट आहे. त्यांचे चरित्र व कार्य संपूर्ण जगासमोर नेण्यासाठी तसेच नव्या पिढीला प्रेरणा देण्यासाठी नवी दिल्ली येथे ‘छत्रपती शिवाजी महाराज राष्ट्रीय स्मारक’ करावे अशी मागणी केंद्रिय गृहमंत्री अमित शाह यांच्याकडे केली. pic.twitter.com/dp8K8yB0cx
— Chhatrapati Udayanraje Bhonsle (@Chh_Udayanraje) March 30, 2023
‘छत्रपती शिवाजी महाराज राष्ट्रीय स्मारक’ फार गरजेचे
राज्यशास्त्र, प्रशासन, व्यवस्थापनशास्त्र, वास्तुशास्त्र, कायदा, अर्थशास्त्र अशा विविध क्षेत्रातील संशोधक आणि अभ्यासकांसाठी ‘छत्रपती शिवाजी महाराज राष्ट्रीय स्मारक’ मैलाचा दगड ठरू शकेल, अमित शहा म्हणाले. महाराजांच्या इतिहासात सुसुत्रता आणण्यासाठी भारतीय पुरातत्व सर्व्हेक्षण (National Archeological Survey Of India) आणि पुराभिलेखागार विभाग (Archive Department) यांच्या माध्यमातून छत्रपती शिवाजी महाराजांचे अप्रकाशित दस्तऐवज, पेंटिग्ज, शस्त्रास्त्रे तसेच अन्य कागदपत्रांचे संकलन, संशोधन आणि संपादन करणे आवश्यक आहे. त्याबरोबर छत्रपती शिवाजी महाराजांशी संबंधित महत्वाची ऐतिहासिक कागदपत्रे, वस्तू, चित्रे परदेशातील विविध संग्रहालयातून भारतात आणण्यासाठी राष्ट्रीय स्मारक फार गरजेचे आहे. असेही अमित शाह यांना सांगितले.
त्यांनी सांगितले की, छत्रपती शिवाजी महाराजांच्या सर्वधर्म समभावाच्या धोरणाला काही कुटील प्रवृत्ती सुरूंग लावताना दिसत आहेत. त्यातून वादंग उठत असून महाराजांचा सातत्याने अवमान होत आहे. यापार्श्वभुमीवर शिवाजी महाराजांचा अधिकृत इतिहास जगासमोर येण्याची गरज आहे. त्यासाठी राज्य आणि केंद्र शासनाने व्यापक समिती नेमून खरा इतिहास नव्याने मांडला पाहिजे. हा इतिहास खंड रूपात तसेच विविध भाषांमध्ये प्रकाशित करावा. हे काम गुणवत्तेच्या आधारावर झाले तर इतिहासाची मोडतोड करण्याच्या प्रयत्नांना पायबंद बसेल. तसेच सामाजिक तेढ निर्माण होणार नाही, असा विश्वास अमित शहा यांनी व्यक्त केला.
त्यांनी सांगितले की, छत्रपती शिवाजी महाराज हे संपूर्ण देशाचे प्रेरणास्थान आहेत. त्यामुळे त्यांचा कोणी अवमान करत असेल तर त्याच्यावर कडक कारवाई झालीच पाहिजे. त्यासाठी आगामी अधिवेशनात राष्ट्रपुरूषांचा अवमान रोखण्यासाठी नवीन कायदा मंजूर करावा अशीही मागणी केली. त्याबाबत कायदेतज्ञ आणि अभ्यासकांशी चर्चा करू असे गृहमंत्री अमित शाह यांनी सांगितले. तसेच या मागण्याबाबत सविस्तर चर्चा करण्यासाठी लवकर पुन्हा भेटीचे आश्वासन शाह यांनी उदयनराजे भोसेल यांना दिले आहे.