देशात कोरोनाग्रस्तांच्या रुग्णसंख्येत चढउतार सुरु असताना बाधितांच्या संख्येत पुन्हा एकदा मोठी घट होताना दिसत आहे. तर गेल्या काही दिवसात नव्या कोरोनाबाधित रुग्णांपेक्षा बरे झालेल्या रुग्णांची संख्या अधिक असल्याची नोंद करण्यात येत आहे. केंद्रीय आरोग्य मंत्रालयाने जारी केलेल्या आजच्या आकडेवारीनुसार, गेल्या २४ तासांत देशात २ लाख ८१ हजार ३८६ नवे कोरोनाबाधित आढळले असून ४ हजार १०६ रुग्णांच्या मृत्यूची नोंद झाली आहे. तर ३ लाख ७८ हजार ७४१ रुग्ण बरे होऊन घरी परतले आहेत.
India reports 2,81,386 new #COVID19 cases, 3,78,741 discharges and 4,106 deaths in the last 24 hours, as per Union Health Ministry
Total cases: 2,49,65,463
Total discharges: 2,11,74,076
Death toll: 2,74,390
Active cases: 35,16,997Total vaccination: 18,29,26,460 pic.twitter.com/RJCDwbzyha
— ANI (@ANI) May 17, 2021
देशातील आता एकूण कोरोनाबाधितांची संख्या २ कोटी ४९ लाख ६५ हजार ४६३ वर पोहोचली आहे. यापैकी आतापर्यंत २ लाख ७४ हजार ३९० जणांचा मृत्यू झाला असून २ कोटी ११ लाख ६५ हजार ४६३ जण कोरोनामुक्त झाले आहेत. तर देशात सध्या ३६ लाख १६ हजार ९९७ इतके सक्रिय रुग्ण असून त्यांच्यावर उपचार सुरू आहेत. तर दुसरीकडे कोरोनाचा प्रादुर्भाव रोखण्यासाठी देशात कोरोना लसीकरण देखील सुरू आहे. आतापर्यंत देशात १८ कोटी २९ लाख २६ हजार ४६० जणांचे लसीकरण पार पडले आहे.
31,64,23,658 samples tested for #COVID19 up to 16th May 2021. Of these, 15,73,515 samples were tested yesterday: Indian Council of Medical Research (ICMR) pic.twitter.com/Bpfj24S5D9
— ANI (@ANI) May 17, 2021
दरम्यान, १६ मेपर्यंत ३१ कोटी ६४ लाख २३ हजार ६५८ नमुन्यांच्या चाचण्या करण्यात आल्या आहेत. यापैकी रविवारी दिवसभरात १५ लाख ७३ हजार ५१५ नमुन्यांच्या चाचण्या झाल्या असल्याची माहिती आयसीएमआरने दिली. दरम्यान, राज्यात एकाबाजूला नव्या कोरोनाबाधितांच्या संख्येत घट होतेय आणि कोरोनामुक्त होणाऱ्या रुग्णांची संख्या वाढत आहे. मात्र दुसऱ्या बाजूला कोरोना मृतांची संख्या वाढतच आहे. मागील २४ तासांत राज्यात ३४ हजार ३८९ नवे कोरोनाबाधित रुग्ण आढळले असून ९७४ जणांच्या मृत्यूची नोंद झाली आहे. त्यामुळे आता राज्यातील एकूण कोरोनाबाधितांची संख्या ५३ लाख ७८ हजार ४५२ वर पोहोचली आहे. यापैकी आतापर्यंत ८१ हजार ४८६ जणांचा मृत्यू झाला आहे. सध्या राज्यात ४ लाख ६८ हजार १०९ रुग्णांवर उपचार सुरू आहेत.
