सर्वोच्च न्यायालयाने 2018 मध्ये आयपीसीचे कलम 377 गुन्हेगारीतून वगळले. त्यामुळे भारतात समलैंगिक संबंध गुन्हेगारीकरणाच्या कलमातून वगळले. संबंध ठेवल्यास तो गुन्हा ठरणार नाही, हे स्पष्ट झाले. परंतु, भारतात समलैंगिक विवाहांना (Same-sex Marriage) अद्याप परवानगी मिळाली नाही. सध्या विशेष विवाह कायदा, परदेशी विवाह कायदा आणि लग्नासंबंधीच्या भारतीय कायद्यांमध्ये संशोधन, दुरुस्ती करावी यासाठी कायदेशीर लढा सुरु आहे. समलैंगिक लग्नाला परवानगी मिळण्यासाठी सर्वोच्च न्यायलयात याचिका दाखल करण्यात आल्या आहेत. या याचिकेवर आज सुनावणी झाली. सुनावणीदरम्यान, CJI चंद्रचूड यांनी महत्त्वपूर्ण प्रतिक्रिया दिली आहे.
या याचिकेवरील सुनावणीदरम्यान CJI चंद्रचूड म्हणाले की, “समलैंगिक संबंध हे एकवेळचे नाते नाही, आता हे संबंध कायमचे राहणार आहेत. हे केवळ शारीरिकच नाही तर, ते एक भावनिक संघटन देखील आहे. अशा परिस्थितीत समलिंगी विवाहासाठी 69 वर्षे जुन्या विशेष विवाह कायद्याची व्याप्ती वाढवणे चुकीचे नाही”. (same sex relationship is no longer a one time relationship it is an enduring one says cji vvp96)
“समाज आणि कायदा 69 वर्षांमध्ये विकसित झाला आहे. SMA केवळ फ्रेमवर्क प्रदान करते. नवीन संकल्पना त्यात आत्मसात केल्या जाऊ शकतात. आम्ही मूळ व्याख्येला बांधील नाही. त्याचा विस्तार केला जाऊ शकतो. आमच्या कायद्याने प्रत्यक्षात समलिंगी संबंध विकसित केले आहेत. समलैंगिकांना समाविष्ट करण्यासाठी कायद्यात दुरुस्ती केली जाऊ शकते. आम्ही कोणताही कायदा वाचत नाही. आम्ही फक्त घटनात्मक हमींच्या दृष्टीने कायद्याचा विस्तार करत आहोत. आम्ही बंधनकारक नसलेल्या कायद्याचा मूळ अर्थ पाहत आहो”, असे CJI चंद्रचूड म्हणाले.
”प्रश्न असा आहे की, स्त्री आणि पुरुष यांच्यातील नाते इतके मूलभूत आहे की, आपण समान लिंगातील संबंध समाविष्ट करू शकत नाही का? विशेष विवाह कायदा-1954 चा उद्देश विवाहाला परवानगी देणे आहे. त्यांना द्यायचे होते, जे लग्नाच्या धार्मिक नियमाच्या पलीकडे पूर्णपणे वैयक्तिक कायद्यानुसार नाहीत. जेव्हा समलैंगिकतेला गुन्हेगार ठरवले जाते, तेव्हा तुम्हाला हे देखील लक्षात येते की, हे एकवेळचे संबंध नाहीत, हे कायमचे नाते आहेत. हे मिलन केवळ शारीरिकच नाही तर भावनिकरित्या स्थिर आहे”, असेही CJI चंद्रचूड म्हणाले.
हेही वाचा – ऐन उकाड्यात पुण्यात पावसाला सुरुवात; विजांच्या कडकडाटासह अनेक ठिकाणी पडल्या गारा
