बिहार निवडणुकीत मुख्यमंत्री योगी यांची एन्ट्री; आजपासून प्रचार सुरू

बिहारमधील पहिल्या टप्प्यात मतदानासाठी मुख्यमंत्री योगी आदित्यनाथ सहा दिवसांत १८ प्रचाराचा मोर्चा काढणार

बिहार विधानसभा निवडणुकीसाठी भारतीय जनता पार्टीची लगबग सुरू असून सातत्याने सभा होताना दिसत आहे. आता उत्तर प्रदेशचे मुख्यमंत्री योगी आदित्यनाथही बिहार निवडणुकीसाठी प्रचार सभा घेणार आहेत. बिहारमधील पहिल्या टप्प्यात मतदानासाठी मुख्यमंत्री योगी आदित्यनाथ सहा दिवसांत १८ प्रचाराचा मोर्चा काढणार आहेत. बिहार निवडणुकीसाठी आज मुख्यमंत्री योगी सभा घेणार आहेत. मुख्यमंत्री योगी यांच्या निवडणूकीची प्रचार सभा आजपासून सुरू होणार आहेत. आज सीएम योगी यांची निवडणूक सभा कैमूरपासून सुरू होणार असून आज, २० ऑक्टोबर रोजी बिहारमधील कैमूर येथील सीएम योगी यांची पहिली जाहीर सभा सकाळी ११ वाजेपासून रामगड विधानसभेत होती.

यानंतर मुख्यमंत्री योगी दुपारी बारा वाजता कैमूर जिल्ह्यातून अरवलला रवाना होतील. दुपारी १ वाजता अरवल विधानसभेत जाहीर सभा होईल. यानंतर मुख्यमंत्री योगी यांची जाहीर सभा दुपारी अडीच वाजता रोहतास येथे होईल. रोहतासच्या कराकत विधानसभेत मुख्यमंत्री योगींची जाहीर सभा होईल. यानंतर सीएम योगी दुपारी ४ वाजता पटना विमानतळाहून लखनऊला रवाना होणार आहेत.

२१ ऑक्टोबर रोजी मुख्यमंत्री योगीही निवडणूक कार्यक्रमात सहभागी होतील. २१ ऑक्टोबर रोजी उत्तर प्रदेशच्या मुख्यमंत्र्यांची ३ जाहीर सभा होणार आहेत. मुख्यमंत्री योगी आदित्यनाथ यांची पहिली मोठी जाहीर सभा सकाळी ११ वाजता जमुई विधानसभेत होणार आहे. जमुई येथील आंतरराष्ट्रीय नेमबाज सुवर्णपदक विजेती श्रेयसी सिंह हे भाजपचे उमेदवार असून त्यांच्यासाठी ही प्रचार सभा होणार आहे.