* पूर्ण घर एकत्र स्वच्छ करू हा नियम कधीच बाळगू नये. याने तुमचं घर कधीच स्वच्छ दिसणार नाही. पूर्ण घर एकत्र स्वच्छ करण्याच्या नादात फारच गोंधळ उडतो आणि थकवाही येतो.
* नियोजनबद्ध पद्धतीने काम करायला सुरू करा. एकाच खोलीच्या मागे दिवसभर न लागता, सगळ्या खोल्यांमध्ये प्राथमिकतेप्रमाणे स्वच्छता करायला सुरुवात करा.
* सर्वात आधी ड्रॉईंगरूमकडे लक्ष द्या. कोणी आल्यावर सहसा आतल्या खोलीपर्यंत येत नाही. म्हणून बैठक आधी स्वच्छ हवी. तिथे कपडे, बॅग्स, भांडी, खेळणी व इतर सामान ठेवणे टाळा.
* ड्रॉईंगरूममधील सामानाची डस्टिंग तर रोजच करायला हवी. मात्र पडदे, पंखे, दारं आणि खिडक्यांना स्वच्छ करण्यासाठी १५ दिवसांतून एकदा व्हॅक्युम क्लिनर वापरा किंवा पाण्यात व्हिनेगर घालून खिडकी-दारं पुसली तरी ते चमकायला लागतात.
* बैठकीच्या खोलीनंतर नंबर येतो किचनचा. किचनच्या टाईल्स इतर रूम्सच्या अपेक्षेपेक्षा जास्त खराब होतात. त्यामुळे अधून-मधून ब्लीचने टाईल्स स्वच्छ करत राहाव्यात.
* किचनमधील सर्व डबे एकत्र घासायला न काढता रोज एका वेळी तीन-चार डबेच धुवा. म्हणजे पसारा होणार नाही आणि थकवाही येणार नाही.
*किचननंतर इतर रुम्सची सफाई करायला घ्या. सवडीप्रमाणे तुमचे कपड्यांचे कपाट सतत आवरायला घ्या. जेणेकरुन वेळप्रसंगी तुमची धांदल उडणार नाही आणि एखादी वस्तू शोधण्यासाठी वेळही जाणार नाही.
