एसटीने प्रवास करणाऱ्या प्रवाशांना वातानुकूलित आण आरामदायी प्रवास करता यावा या उद्देशानं वेळोवेळी विविध बदल एसटी प्रशासनातर्फे केले जातात. यासबोतच प्रदूषण नियंत्रणासाठीदेखील एसटी प्रशासनाकडून विविध मार्गांवर ई-बसेस सुरू करण्यात आल्या आहेत. शुक्रवारी स्वारगेट ते कोल्हापूर या मार्गावर ई- शिवाई बसला सुरूवात करण्यात आली. पुणे विभागातून 4 बसेस आणि कोल्हापूर विभागातून 4 अशा 8 बसेस या मार्गावर दररोज धावणार आहेत. (Eight E Shiwai buses will run on Swargate to Kolhapur route from today this is the schedule)
याआधी पुण्यातून पुणे ते नाशिक मार्गावर 18, पुणे ते छत्रपती संभाजीनगर मार्गावर 10 ई- शिवाई बसेस धावत आहेत. शुक्रवारपासून यामध्ये पुणे ते कोल्हापूर मार्गावर 8 ई-शिवाई धावण्यास सुरूवात झाली आहे.
एसटी महामंडळाकडून पाच हजार ई-बस घेण्यात येणार आहेत. त्या ई-बस राज्यात ई-शिवाई नावाने चालवल्या जाणार आहेत. या ई-बस टप्प्याटप्प्याने वेगवेगळ्या विभागाला देण्यात येणार आहेत. एसटीच्या पुणे विभागात देखील बस तयार होतील तशा टप्प्या-टप्प्याने बस दाखल होत आहेत. राज्यातील पहिली ई-बस पुणे-अहमदनगर मार्गावर सुरू केली होती. त्यानंतर बस दाखल झाल्यानंतर त्या पुण्यातून वेगवेगळ्या शहरात सुरू केल्या जात आहेत. आता पुण्यातून मुंबई, नाशिक, छत्रपती संभाजीनगर या मार्गावर ई-शिवाई व ई-शिवनेरी सुरू केल्या आहेत. या बसला चांगला प्रतिसाद मिळत आहे.
( हेही वाचा: नाफेड, एनसीसीएफचा कांदा लिलावात थेट सहभागी होण्यास नकार; कांदाप्रश्न चिघळणार? )
‘असं’ आहे वेळापत्रक
- स्वारगेट कोल्हापूर: सकाळी 5.00, 5.30, 6.30, 9.00, 9.30, 10.30, दुपारी 1.30, 2.30, 3.30, सायंकाळी 7.30
- कोल्हापूर स्वारगेट– सकाळी 5.00, 5.30, 6.30, 9.00, 9.30, 10.30, दुपारी 1.30, 2.30, 3.30, सायंकाळी 7.30