पावसाळ्याच्या दिवसांत फोन भिजणं किंवा पाण्यात पडणं हे साहाजिक आहे. तुमच्यासोबतही हे घडू शकतं. मात्र, अशावेळी पॅनिक होऊ नका. तुमचा फोन पाण्यात भिजला असेल तर तो पुन्हा सुरु करण्याचे आणि त्यामुळे होणारे नुकसान रोखण्याचे काही सोपे उपाय आहेत.
तुमचा फोन भिजून बंद पडला असला तर सर्वप्रथम तो स्वीच ऑफ बटण दाबून बंद करा. कारण भिजल्यामुळे केवळ फोनचा डिस्प्ले बंद पडला असला आणि फोन ऑन राहिला असल्यास शॉर्टसर्किट होण्याची भीती असते.
फोन ऑफ केल्यानंतर सर्वप्रथम तो स्वच्छ कपड्याने पुसून कोरडा करा. फोनला वाळवण्यासाठी तुम्ही हेअर ड्रायरचा देखील वापर करु शकता. जेणेकरुन फोनमधील मॉईश्चरही दूर होईल.
तुमच्या फोनमधली बॅटरी नॉन-रिमुव्हेबल असली तरी फोनमधील सिम कार्ड आणि मेमरी कार्ड लगेच बाहेर काढा ज्यामुळे ती खराब होणार होणार नाहीत.
फोन सुकवल्यानंतर तो चार्जिंगला लावा. कारण चार्ज झाल्यानंतर फोनमधली बॅटरी गरम होऊन तो सुरु होण्याची शक्यता असते. मात्र, बराचवेळ चार्ज करुनही फोन सुरु न झाल्यास तज्ज्ञांची मदत घ्या.
फोनला सुकवण्यासाठी तुम्ही सूखे तांदूळ किंवा सिलिका जेल पॅकचा वापर करु शकता. या दोनही गोष्टी फोनमधील मॉईश्चर शोषून घेण्याचं काम करतात.
साधारण २४ ते ४८ तासापर्यंत फोन तांदुळात किंवा सिलिका जेल पॅकमध्ये ठेवून त्यानंतर तो ऑन करुन पाहा. असे न झाल्यास मोबाईल दुरुस्त करण्याऱ्याची मदत घ्या.
