झाडांच्या बुंध्याजवळ खाद्यपदार्थ टाकल्याने उंदीर किंवा घुशी यांचा प्रादुर्भाव वाढतो. परिणामी झाडांची मुळे कमकुवत होऊन झाड पडण्याची शक्यता वाढते. यास्तव झाडांच्या बुंध्याजवळ खाद्यपदार्थ टाकू नये.
संग्रहित छायाचित्र
झाडांवर किडीचा किंवा रोगाचा प्रादुर्भाव दिसल्यास नजीकच्या महापालिका विभाग कार्यालयातील उद्यान विभागास संपर्क करावा.
आपल्या परिसरातील नारळ, ताड आणि पामवर्गीय झाडांच्या सुक्या झावळ्या, फळे वेळोवेळी काढण्यात यावीत; जेणेकरुन संभाव्य हानी टाळता येईल.
सर्व खाजगी, शासकीय, निमशासकीय संस्थांना विनंती करण्यात येत आहे की, त्यांच्या आवारातील धोकादायक अथवा अतिरिक्त वाढ झालेल्या किंवा असंतुलित झाडांची छाटणी महापालिका पूर्वपरवानगीने नियमित करण्यात यावी.
महापालिकेद्वारा वृक्षछाटणी परवानगी मिळविण्याकरिता महापालिकेच्या MCGM २४ x ७ या मोबाईल अॅपचा वापर करुन ऑनलाईन अर्ज करता येईल.
पावसाळ्या दरम्यान धोकादायक झाडे व फांद्या यांच्या तक्रारीचे निवारण करण्याकरिता महापालिकेच्या विभागात आपत्कालीन नियंत्रण कक्ष स्थापन करण्यात आले आहेत. सदर आपत्कालीन नियंत्रण कक्षांचे संपर्क क्र. महापालिकेच्या संकेतस्थळावर (http://dm.mcgm.gov.in/home) connect 2018 या शीर्षकाखाली उपलब्ध करण्यात आले आहेत.
