शासन आपल्या दारी कार्यक्रमानिमित्ताने आज मंगळवारी (5 डिसेंबर) अख्खं मंत्रिमंडळ बीड जिल्ह्यातील परळीमध्ये होतं. यावेळी मुखमंत्री एकनाथ शिंदे, उपमुख्यमंत्री देवेंद्र फडणवीस, अजित पवार आणि पालकमंत्री धनंजय मुंडे यांच्यासह असंख्य कार्यकर्त्यांनी स्व. गोपीनाथ मुंडे यांच्या समाधीचे दर्शन घेऊन त्यांना अभिवादन केले. यावेळी भाजप नेत्या पंकजा मुंडे यांची उपस्थिती होती.
मुख्यमंत्री एकनाथ शिंदे यांनी गोपीनाथ गडावर येऊन लोकनेते स्व. गोपीनाथ मुंडे यांच्या समाधीचे दर्शन घेतले.
यावेळी उपमुख्यमंत्री देवेंद्र फडणवीस यांनीसुद्धा पुष्पगुच्छ वाहून स्व. गोपीनाथ मुंडे यांना अभिवादन केले.
उपमुख्यमंत्री अजित पवार यांनी गोपीनाथ गडावर गोपीनात मुंडेंच्या समाधीचे दर्शन घेतले.
शासन आपल्या दारी कार्यक्रमा आधी परळी येथे श्री क्षेत्र परळी वैजनाथ मंदिर परिसरात विकासकामांचे भूमिपूजन मंत्र्यांच्या हस्ते करण्यात आले.
श्री क्षेत्र परळी वैजनाथ मंदिर येथे आज मंत्रिमंडळातील सर्व मंत्र्यांनी वैजनाथांचे मनोभावे दर्शन करून आशीर्वाद घेतले.
मुख्यमंत्री आणि दोन्ही उपमुख्यमंत्र्यांनी स्व. गोपीनाथ मुंडे यांच्या समाधीचे दर्शन घेतल्यानंतर मुख्यमंत्री आणि दोन्ही उपमुख्यमंत्र्याचे शाल, श्रीफळ आणि गोपीनाथ गडाची प्रतिकृती देऊन पंकजा मुंडे यांनी स्वागत केले.
