Dean Elgar on Virat Kohli: दक्षिण आफ्रिकेचा माजी स्टार डीन एल्गरने भारताचा माजी कर्णधार विराट कोहलीबद्दल मोठा आणि धक्कादायक खुलासा केला आहे. 2015 मध्ये कोहलीसोबतच्या पहिल्या भेटीचा संदर्भ देत एल्गर म्हणाला की, त्यावेळी आम्हा दोघांमध्ये शिवीगाळ झाली होती. (Dean Elgar on Virat Kohli Virat Kohli spat on me Dean Elgar alleges the two were abusive)
एल्गरने बेटवेने साऊथ आफ्रिकेच्या यूट्यूब चॅनलवर हा खुलासा केला आहे. 2015 मध्ये एल्गरचा पहिला भारत दौरा होता. एल्गारचा एक व्हिडिओही व्हायरल होत आहे, ज्यामध्ये तो हा खुलासा करताना दिसत आहे. माझं विराटसोबत जेव्हा भांडण झालं तेव्हा कोहली माझ्यावर थुंकला, असं एल्गर म्हणाला. त्यावेळी मी देखील विराटला बॅटने मारण्याची धमकी दिल्याचं, एल्गर याने सांगितलं.
जडेजा आणि कोहली एल्गारवर थुंकले
एल्गर म्हणाला, ‘त्या दौऱ्यादरम्यान पिचसंदर्भात विनोद केले जात होते. त्यावेळी मी फलंदाजीसाठी आलो. मला अश्विनविरुद्ध माझी लय कायम ठेवायची होती. त्यावेळी त्याचे नाव जेजा, जेजा, जेजा (रवींद्र जडेजा) आणि कोहली माझ्यावर थुंकले. मग मी पण त्यांना म्हणालो की जर तुम्ही असं केलं तर मी तुम्हाला या बॅटने मारेन.
जेव्हा एल्गारला विचारण्यात आले की कोहलीला तुझी स्थानिक भाषा समजली आहे का? यावर एल्गर म्हणाला की कोहलीला समजले होते, कारण एबी डिव्हिलियर्स आयपीएलमध्ये रॉयल चॅलेंजर्स बेंगळुरू (आरसीबी) संघाकडून खेळतो.
एल्गर आणि कोहली यांच्यात शिवीगाळ
एल्गरने असेही उघड केले की जेव्हा भारतीय संघ 2017-18 मध्ये दक्षिण आफ्रिकेच्या दौऱ्यावर गेला होता तेव्हा कोहलीने ड्रिंक्स दरम्यान केलेल्या वर्तनाबद्दल माफी मागितली होती. भारतीय संघ सध्या घरच्या मैदानावर इंग्लंडविरुद्ध 5 सामन्यांची कसोटी मालिका खेळत आहे. कोहली पहिल्या दोन सामन्यांतून बाहेर आहे.
एल्गर हा स्टार खेळाडू आहे, परंतु तो नेहमीच त्याच्या खेळानुसार स्थान मिळवू शकला नाही. याची वेदना एल्गारच्या वक्तव्यातूनही अनेकदा व्यक्त झाली आहे. 2018 मध्ये, डीन एल्गरने आपली वेदना व्यक्त केली आणि सांगितले की त्याने जे काही केले त्याचे त्याला जास्त श्रेय दिले जात नाही.
एका वृत्तवाहिनीशी संवाद साधताना एल्गर म्हणाला होता की, ‘मी यापूर्वी जे काही केले त्याचे मला फारसे श्रेय दिले गेले नाही. माझ्या आणि दक्षिण आफ्रिकेच्या चाहत्यांमध्ये फार मोठे नाते आहे असे मला वाटत नाही. बऱ्याच काळापासून, मी जे काही केले ते जमिनीत गाडल्यासारखे वाटले. प्रत्येक संघात माझ्यासारख्या क्रिकेटपटूची गरज आहे हे लोक विसरतात.
एल्गरचा आंतरराष्ट्रीय विक्रम खूपच प्रभावी
36 वर्षीय डीन एल्गरने दक्षिण आफ्रिकेकडून 86 कसोटी खेळल्या. या कालावधीत त्याने 37.92 च्या सरासरीने 5347 धावा केल्या आहेत. कसोटी क्रिकेटमध्ये एल्गरने 14 शतके आणि 23 अर्धशतके केली आहेत. एल्गरने आठ एकदिवसीय सामनेही खेळले असून त्यात त्याच्या नावावर 104 धावा आहेत. एल्गरने आंतरराष्ट्रीय क्रिकेटमध्ये 17 विकेट्सही घेतल्या आहेत.
View this post on Instagram
(हेही वाचा: Maratha Reservation : “भाजपा सत्तेत असेपर्यंत ओबीसींवर…”, देवेंद्र फडणवीस यांचे मोठे विधान )
