नवी दिल्ली: भारताचा स्टार फलंदाज सूर्यकुमार यादव याची बुधवारी आयसीसीने वर्षातील सर्वोत्कृष्ट T-20 आंतरराष्ट्रीय क्रिकेटपटू म्हणून निवड केली आहे. सूर्यकुमार यादवने या वर्षात तुफान फलंदाजी करत अनेक विक्रम केले सोबतच विक्रम मोडलेही. (ICC History made by Suryakumar Yadav First Indian player to win ICC T20I Player of the Year Award)
एका कॅलेंडर वर्षात 1000 किंवा त्याहून अधिक धावा करणारा सूर्यकुमार यादव हा दुसरा फलंदाज ठरला आहे. सूर्याने 187.43 च्या उत्कृष्ट स्ट्राईक रेटने 1164 धावा केल्या होत्या.
आयसीसीने एका निवेदनात म्हटले आहे की, “आयसीसी पुरूष T20 क्रिकेटर ऑफ द इयरचा विजेता हा फॉरमॅटच्या इतिहासातील कोणत्याही खेळाडूसाठी सर्वोत्तम वर्षांपैकी एक आहे.” आम्ही 2022 आणि पुढील वर्षातील त्या खेळाडुच्या उत्कृष्ट कामगिरीवर लक्ष केंद्रित करत आहोत, असं आयसीसीने म्हटलं आहे. दोन शतके आणि 9 अर्धशतके झळकावणारा सूर्यकुमार यादव हा T20 संघाचा महत्त्वाचा सदस्य आहे, असं म्हणत आयसीसीने त्याची दखल घेतली.
आयसीसीने एका निवेदनात म्हटले आहे की, ‘यादवने वर्षभरात उत्कृष्ट कामगिरी केली. त्याचा सर्वोत्तम खेळ नॉटिंगहॅममध्ये, इंग्लंडच्या पांढऱ्या चेंडूतील आहे. त्याने तिथे पहिले T20 आंतरराष्ट्रीय शतक झळकावले. त्यानंतर सूर्याने 55 चेंडूत 117 धावा केल्या होत्या. सूर्यकुमार यादवने सन 2022 मध्ये 68 षटकार ठोकले, जे कोणत्याही फलंदाजाने फॉर्मेटच्या इतिहासात सर्वाधिक षटकार आहेत.
विजेत्याची निवड झाल्यावर सूर्यकुमार यादव म्हणाला, ‘आयसीसीचे आभार. 2022 हे वर्ष माझ्यासाठी विशेषतः चांगले होते. मी माझ्या कारकिर्दीत नवीन उंची पाहिली. 2022 मध्ये मी अनेक शानदार खेळी खेळल्या, पण ही माझ्या कारकिर्दीतील पहिले शतक झळकावण्याची सर्वात महत्त्वाची खेळी होती. कोणत्याही क्रिकेटपटूसाठी पहिले शतक झळकावणे खास असते. मला आशा आहे की भविष्यात मी आणखी अनेक उत्तम खेळी खेळेन. पुन्हा एकदा धन्यवाद.
