इंडियन प्रीमियर लीग (आयपीएल) स्पर्धेच्या आगामी मोसमाबद्दल सध्या बरीच चर्चा होत आहे. आयपीएलच्या यंदाच्या मोसमाला ९ एप्रिलपासून सुरुवात होणार असून गतविजेत्या मुंबई इंडियन्सला पुन्हा ही स्पर्धा जिंकण्यासाठी प्रमुख दावेदार मानले जात आहे. आयपीएलच्या सलामीच्या लढतीत रोहित शर्माच्या मुंबईसमोर विराट कोहलीच्या रॉयल चॅलेंजर्स बंगळुरू संघाचे आव्हान असणार आहे. यंदाच्या मोसमात कर्णधार रोहित आणि मुंबईचा संघ मागील वर्षीपेक्षा वेगळ्या जर्सीमध्ये खेळताना दिसणार आहे. मुंबईने शनिवारी आपल्या नव्या जर्सीचे अनावरण केले. यंदा या जर्सीच्या हातांच्या कडा आणि कॉलरच्या खालच्या बाजूला नारंगी रंगाचा वापर झाल्याचे पाहायला मिळत आहे.
One Team. #OneFamily. One Jersey. 💙
Presenting our new MI jersey for #IPL2021 👕✨
Paltan, pre-order yours from @thesouledstore now – https://t.co/Oo7qj5m4cN#MumbaiIndians pic.twitter.com/F0tBT6TXcq
— Mumbai Indians (@mipaltan) March 27, 2021
‘प्रत्येक वर्षी नवी जर्सी तयार करताना आम्ही खूप विचार करतो. आमचे खेळाडू आणि चाहते ही जर्सी खूप अभिमानाने परिधान करतात हे आम्हाला ठाऊक आहे. ज्या गोष्टींनी मुंबई इंडियन्सला भारतातील सर्वात यशस्वी फ्रेंचायझी बनवले आहे, त्या गोष्टी या जर्सीच्या माध्यमातून दाखवण्याचा आमचा प्रयत्न आहे,’ असे या नव्या जर्सीबाबत मुंबई इंडियन्सचे प्रवक्ते म्हणाले.
We will take the field in #IPL2021 wearing our colours with pride! 👕✨
🗣 पलटन, तयार का? 😎
Pre-order – https://t.co/Oo7qj5m4cN#OneFamily #MumbaiIndians pic.twitter.com/2sXlDg97XQ
— Mumbai Indians (@mipaltan) March 27, 2021
मुंबई इंडियन्स हा आयपीएल स्पर्धेतील सर्वात यशस्वी संघ आहे. मुंबईने आतापर्यंत पाच वेळा आयपीएलचे जेतेपद पटकावले आहे. मुंबईने मागील मोसमाच्या अंतिम फेरीत दिल्ली कॅपिटल्सवर मात करत सलग दुसऱ्यांदा आणि एकूण पाचव्यांदा ही स्पर्धा जिंकली होती. त्यामुळे यंदा मुंबईचे जेतेपदाची हॅटट्रिक साजरी करण्याचे लक्ष्य असेल.