भारताचे आघाडीचे बॅडमिंटनपटू पी. व्ही. सिंधू आणि किदाम्बी श्रीकांत यांना बीडब्ल्यूएफ वर्ल्ड टूर फायनल्स स्पर्धेत सलग दुसऱ्या पराभवाचा सामना करावा लागला. महिला एकेरीच्या दुसऱ्या साखळी सामन्यात सिंधूवर थायलंडच्या रॅटचनॉक इंटानोनने १८-२१, १३-२१ अशी मात केली. सिंधूने पहिल्या गेमच्या सुरुवातीला चांगला खेळ केला. तिच्याकडे १७-७ आणि त्यानंतर १४-१० अशी आघाडी होती. परंतु, इंटानोनने दमदार पुनरागमन करत हा गेम २१-१८ असा जिंकला. दुसऱ्या गेममध्ये मात्र सिंधूला चांगला खेळ करता आला नाही. तिने हा गेम १३-२१ असा मोठ्या फरकाने गमावला. त्याआधी पहिल्या साखळी सामन्यात सिंधूला जागतिक क्रमवारीत अव्वल स्थानी असणाऱ्या ताय झू यिंगने पराभूत केले होते.
🇮🇳’s @Pvsindhu1 goes down 18-21, 13-21 against World No.5️⃣ and No.3️⃣ seeded shuttler- Ratchanok Intanon of 🇹🇭 in the 2️⃣nd match of group stage.
Tough luck, champ! 🙌#WorldTourFinals #BWFWorldTourFinals #HSBCBWFWorldTourFinals pic.twitter.com/5m0pl43P5d
— BAI Media (@BAI_Media) January 28, 2021
वेची श्रीकांतवर मात
दुसरीकडे पुरुष एकेरीत श्रीकांतला तैवानच्या वांग झू वेने २१-१९, ९-२१, १९-२१ असे पराभूत केले. श्रीकांतने या सामन्याची अप्रतिम सुरुवात करताना पहिला गेम २१-१९ असा जिंकला. दुसऱ्या गेममध्ये मात्र त्याचा खेळ खालावला आणि याचा फायदा घेत वेने हा गेम २१-९ असा मोठ्या फरकाने जिंकला. तिसऱ्या आणि निर्णायक गेममध्ये श्रीकांतने झुंजार खेळ केला. मात्र, तो विजय मिळवण्यासाठी पुरेसा नव्हता. वेने हा गेम २१-१९ असा जिंकला. सलग दोन साखळी सामने गमावल्याने श्रीकांत आणि सिंधू या दोघांनाही बाद फेरी गाठणे अवघड जाऊ शकेल.
🇮🇳 @srikidambi puts up a🔥 display but couldn’t turn the match in his favour!
Wang Tzu Wei defeated @srikidambi in the 2️⃣nd match of group stage!
Final score: 21-19, 9-21, 17-21
Tough luck, champ! 🙌#WorldTourFinalsBangkok #WorldTourFinals #BWFWorldTourFinals pic.twitter.com/tloVjjEAV4
— BAI Media (@BAI_Media) January 28, 2021
हेही वाचा – सौरव गांगुलीवर पुन्हा अ‍ॅन्जिओप्लास्टी
