लसीकरणअभावी कल्याण-डोंबिवलीकर त्रस्त

कोरोना पासून वाचण्यासाठी सध्या लसीकरण हा एकमेव पर्याय आहे, असं तज्ज्ञांचं म्हणणं आहे. पण, कल्याण डोंबिवली यासह अनेक भागांमध्ये लसींचा साठाच उपलब्ध नाही. त्यामुळे लसीकरण मोहिमेला ब्रेक लागला आहे. कल्याण-डोंबिवली महापालिका क्षेत्रात २५ लसीकरण केंद्र आहेत. गेल्या दोन दिवसांपासून लस उपलब्ध नसल्याने कल्याण डोंबिवली महापालिका क्षेत्रातील सर्व लसीकरण केंद्र पूर्णपणे बंद आहेत. अनेक नागरिक लसीकरणासाठी येऊन लस न घेता जात आहेत. वारंवार लसीकरण केंद्रावर फेरी मारून देखील लस मिळत नसल्याने कल्याण-डोंबिवली मधील सर्व नागरिक त्रस्त झाले असून लवकरात लवकर प्रशासनाने लसीकरण सुरू केले पाहिजे, अशी मागणी नागरिकांकडून केली जात आहे