लखनऊ: केंद्रीय राज्यमंत्री कौशल किशोर यांचा मुलगा विकास किशोर यांच्या दुबग्गा येथील घरी शुक्रवारी पहाटे 28 वर्षीय विनय श्रीवास्तव याची गोळ्या झाडून हत्या करण्यात आली. विनयच्या डोक्यावर गोळी लागल्यानं त्याचा मृत्यू झाला. हत्येची माहिती मिळताच डीसीपी पश्चिम राहुल राज, एसीपी काकोरी अनुप कुमार सिंह पोलिसांच्या ताफ्यासह दाखल झाले. फॉरेन्सिक पथकाने घटनास्थळाची पाहणी करून पुरावे गोळा केले आहेत. (Lucknow Youth shot dead in Union Minister Kaushal Kishore s house sons pistol recovered from the spot)
पोलिसांनी घटनास्थळावरून केंद्रीय राज्यमंत्र्यांच्या मुलाचे पिस्तूल जप्त केले आहे. चार जणांना ताब्यातही घेण्यात आले आहे. पोलीस चौघांची चौकशी करत आहेत. डीसीपींनी दिलेल्या माहितीनुसार, विनय श्रीवास्तव कन्हैया हा माधवपूर वॉर्ड फरीदीपूरचा रहिवासी आहे. मृताचा भाऊ विकास श्रीवास्तव यांनी सांगितले की, भाऊ विनय हा रात्री विकास किशोरच्या घरी गेला होता. अजय रावत, अंकित वर्मा, शमीम आणि बाबा तिथे राहतात. तेथे चौघांनीही खाण्यापिण्याचे कार्यक्रम केला. यानंतर त्यांच्यात हाणामारी झाली. दरम्यान, विनय श्रीवास्तवची गोळ्या झाडून हत्या करण्यात आली. चार आरोपींना ताब्यात घेतल्यानंतर त्यांची चौकशी सुरू असून हत्येमागील कारणांची माहिती घेतली जात असल्याचे डीसीपींनी सांगितलं आहे.
विनयच्या डोक्यावर जखमेच्या खुणा
डीसीपी पश्चिम राहुल राज यांनी सांगितले की, विनय श्रीवास्तववर गोळी झाडण्यात आली आहे. डोक्यावर जखमेच्या खुणा आहेत. घरात सहा जण आले होते. रात्री एकत्र जेवण केले. घटनास्थळी पिस्तूल सापडले आहे. पिस्तूल विकास किशोरकडे असल्याचे सांगितले जात आहे. सर्व तपास केला जाईल. सीसीटीव्ही कॅमेराही बसवण्यात आला आहे. त्याचे फुटेज काढले जात आहेत. फॉरेन्सिक टीमही तपासात गुंतली आहे. मृताच्या कुटुंबीयांनी फिर्याद दिली आहे. मृताच्या कुटुंबियांनी तक्रार दाखल केली आहे. त्याच्या आधारे एफआयआर नोंदवली गेल्याचं डीसीपींनी सांगितलं.
गोळी कोणी चालवली हे तपासानंतर समोर येईल – केंद्रीय मंत्री कौशल किशोर
केंद्रीय मंत्री कौशल किशोर म्हणाले की, ही घटना घडली आहे का, हा तपासाचा विषय आहे. मला कळताच मी आयुक्तांना फोन करून घटनेची माहिती दिली. मृतदेह पोस्टमॉर्टमसाठी पाठवण्यात आला आहे. जे खरे आहे ते बाहेर येईल. मुलगा विकास याच्यावर पिस्तुलाने गोळी झाडल्याच्या प्रकरणावर ते म्हणाले की, तपासानंतर सत्य बाहेर येईल.
घटनेच्या वेळी विकास दिल्लीत होता
घटनेच्या वेळी विकास किशोर उर्फ आसू दिल्लीत होता, असे केंद्रीय राज्यमंत्र्यांनी सांगितले आहे.
मी कुटुंबासोबत , जो कोणी दोषी असेल त्याच्यावर कारवाई होणार
घटनेची माहिती मिळताच केंद्रीय राज्यमंत्री घटनास्थळी पोहोचले. मी कुटुंबियांसोबत असल्याचे त्यांनी सांगितले. घटनेची माहिती मिळताच मी तातडीने पोलीस आयुक्तांना फोन करून माहिती दिली. विनय श्रीवास्तव आम्हाला जवळपास सहा वर्षांपासून ओळखतात. त्याच्या मृत्यूप्रकरणी जो कोणी दोषी असेल त्याच्यावर कडक कारवाई केली जाईल. पोलिसांना त्यांचा तपास करू द्या. तपासानंतर सर्व काही स्पष्ट होईल, असं राज्यमंत्र्यांनी म्हटले आहे.
2020 मध्ये मद्यपानामुळे मोठ्या मुलाला गमावला
ऑक्टोबर 2020 मध्ये खासदार कौशल किशोर यांचा मोठा मुलगा आकाश किशोर उर्फ जावी यांचे निधन झाले होते. आकाश किशोर किडनीच्या समस्येने त्रस्त होता.
(हेही वाचा: आजचा दिवस मंत्रालयाचा; आधी बॉम्ब ठेवल्याचा फोन, काचा फुटल्या अन् चाकूही पकडला…)
