बऱ्याचदा तूप म्हटलं का ते गोड पदार्थ बनवताना खाल्ले जाते. मग पुरणपोळी खाताना त्यावर तुपाची धार सोडली जाते. तर गोडाचा शिरा खाताना त्या तुपाचा आस्वाद घेतला जातो. पण, काही लोक तुपाचे सेवन करण्यास घाबरतात. कारण त्यांना शंका असते की, तुपाचे सेवन केल्याने वजन वाढणे, कोलेस्टरॉल वाढणे अशा व्याधी होतील. मात्र, जर तुम्ही या भीतीने तुपाचे सेवन करत नसाल तर चिंता सोडा आणि तुपाचे बिनधास्त सेवन करा. कारण तुपाचे सेवन केल्याने अनेक फायदे होतात. चला तर जाणून घेऊया तुपाचे सेवन करण्या फायदे.
कोलेस्टरॉल होते कमी
तूप तुमच्या रक्त आणि आतडे यांच्यातील कोलेस्ट्रॉल कमी करण्यासाठी मदत करते. कारण तुपाच्या सेवनामुळे शरीरातील लिपिडचे प्रमाण वाढते. त्यामुळे शरीरातील कोलेस्टरॉलचे प्रमाण योग्य प्रमाणात ठेवते. तसेच चांगले कोलेस्टरॉल वाढण्यासाठी मदत करतात. त्यामुळे जर तुम्हाला कोलेस्टरॉलचा त्रास असेल तर तुम्ही तूप नक्की खा.
पचनशक्ती सुधारण्यासाठी
तुपामध्ये सेचुरेटेड बॉण्ड्स खूप अधिक असतात. ज्यामुळे त्यातून फ्री रॅडिकल्स निघण्याची शंका खूप कमी असते. त्यामुळे तुपातील फॅटी अॅसिडची चैन लहान असल्यामुळे शरीर ते लवकर पचवते.
वजन नियंत्रित करण्यासाठी
तुपाचे सेवन केल्याने शरीरातील चयापचन नीट ठेवते. त्यामुळे वजन देखील वाढत नाही. तुपाचे सेवन केल्यामुळे पचनशक्ती सुधारते. पचनशक्ती सुधारल्यामुळे तुम्हाला वेळेत भूक लागते आणि तुम्ही अवेळी चुकीचे पदार्थ कमी खाता. ज्याचा परिणाम तुमच्या शरीरावर होतो आणि वजन नियंत्रित राहण्यास मदत होते.
हृदयासाठी फायदेशीर
ह्दयामध्ये जे ब्लॉक्स असतात त्यासाठी तूप ल्युब्रिकेंट प्रमाणे काम करते . ज्यांना हृदयाचा त्रास असेल अशा व्यक्तींनी गाईचे तूप खावे. कारण त्यामुळे हृदयाच्या नलिका मजबूत होतात.
उचकी लागल्यास
उचकी लागल्यास ती लवकर थांबत नसेल तर तुपाचे चाटण घ्या. ज्यामुळे उचकी लवकर थांबण्यास मदत होईल.