आज मुंबईतील दादर रेल्वे स्थानकात धक्कादायक घटना घडली. सकाळी दहा वाजेच्या सुमारास दादर स्टेशनवर लोकलमध्ये चढताना महिलेला अचानक हृदयविकाराचा झटका आला. यावेळी स्ट्रेचर आणि हमाल येण्याची वाट न पाहता ड्युटीवर असलेल्या पोलीस महिलेने प्रसंगावधान बाळगत महिलेला उपचारासाठी रुग्णालयात दाखल केले आहे. या घटनेत पोलिसांच्या प्रसंगावधानामुळे महिलेचे प्राण वाचल्यामुळे महिला पोलिसांचे कौतुक होत आहे.
- Advertisement -
हृदय विकाराचा झटका आलेल्या महिलेचे नाव निकिता दिघे असून ती महिला गोरेगाव येथे राहणारी आहे. या घटनेनंतर महिलेवर रुग्णालयात उपचार सुरू आहेत.