नाशिकमध्ये चोरट्यांचा युको बँक लुटण्याचा प्रयत्न

रविवार कारंजा येथील यशवंत मंडई भागातील नॅशनल युको बँकेच्या पाठीमागील भिंतीला चोरट्यांनी भगदाड पाडून आतमध्ये प्रवेश करत लूट करण्याचा प्रयत्न केला. चोरट्यांनी सीसीटीव्हीचे नुकसान केले तर बँकेतील २ संगणक व एक लॅपटॉप लंपास केला आहे. या घटनेची माहिती मिळताच पोलीस आयुक्त विश्वास नांगरे-पाटील, पोलीस उपायुक्त अमोल तांबे यांच्यासह पोलीस अधिकारी व कर्मचारी घटनास्थळी दाखल झाले.