‘एक्सेल एंटरटेन्मेंट’च्या ‘मडगाव एक्स्प्रेस’ने आज चक्क पुण्याचा ताबा घेतला! या चित्रपटाच्या प्रमोशनसाठी पुण्यात दाखल झालेल्या दिग्दर्शक कुणाल खेमू, दिव्येंदू आणि प्रतीक गांधी यांना शहरात रसिकांचा मोठा प्रतिसाद मिळाला आणि या कलावंतांच्या टीमनेही पुणे शहराचे तोंडभरून कौतुक केले.
‘एक्सेल एंटरटेन्मेंट’अंतर्गत रितेश सिधवानी आणि फरहान अख्तर निर्मित कॉमेडी जुगलबंदी असलेल्या ‘मडगाव एक्स्प्रेस’ या चित्रपटाने सिनेरसिकांमध्ये प्रचंड उत्सुकता निर्माण केली आहे. या चित्रपटाच्या अलीकडेच प्रदर्शित झालेल्या ट्रेलरला रसिकांनी दिलेल्या उत्स्फूर्त प्रतिसादानंतर, कुणाल खेमू यांच्या नेतृत्वाखालील दिव्येंदू, प्रतीक गांधी, नोरा फतेही आणि अविनाश तिवारी या प्रतिभावान कलाकारांची भूमिका असलेल्या या चित्रपटाविषयी सिनेरसिकांमध्ये कमालीची उत्सुकता आहे.
या चित्रपटाच्या प्रमोशनकरता दिग्दर्शक कुणाल खेमू, दिव्येंदू, प्रतीक गांधी या कलाकारांसह ‘मडगाव एक्स्प्रेस’ची टीम, महाविद्यालयीन विद्यार्थ्यांसाठी आयोजित केलेल्या खास खेळासाठी आणि चाहत्यांशी संवाद साधण्यासाठी पुण्यात दाखल झाली.
हा चित्रपट अवघ्या चार दिवसांत म्हणजेच २२ मार्च २०२४ रोजी चित्रपटगृहांमध्ये प्रदर्शित होण्यासाठी सज्ज आहे. चित्रपट प्रदर्शित होण्याची तारीख जसजशी जवळ येत आहे, तसतशी चित्रपटाविषयीची उत्सुकता वाढत आहे. आश्चर्य, उत्साह आणि कितीतरी मजेदार गोष्टींचा मिलाफ असलेल्या या चित्रपटात भूमिका करणाऱ्या दिव्येंदू, प्रतीक गांधी, अविनाश तिवारी, नोरा फतेही, उपेंद्र लिमये आणि छाया कदम या कलाकारांना मोठ्या पडद्यावर पाहण्यासाठी रसिकांमध्ये मोठा उत्साह आहे. ‘मडगाव एक्स्प्रेस’च्या निमित्ताने हास्य, नॉस्टॅल्जिया आणि शुद्ध मनोरंजनाच्या कित्येक वळणे घेणारा प्रवास करण्यासाठी सज्ज व्हा!
“बचपन के सपने…लग गये अपने” आणि ‘मडगाव एक्स्प्रेस’ जणू आपण बालपणी पाहिलेल्या स्वप्नांच्या नॉस्टॅल्जियात आपल्याला पोहोचतात. कुणाल खेमू दिग्दर्शित आणि ‘एक्सेल एंटरटेनमेंट’च्या बॅनरखाली रितेश सिधवानी आणि फरहान अख्तर निर्मित हा चित्रपट २२ मार्च २०२४ रोजी सिनेगृहात दाखल होणार आहे, ज्याद्वारे प्रेक्षकांना स्मरण रंजनाची अद्भुत सफर घडेल.
