कन्नड विधानसभा मतदारसंघ औरंगाबाद जिल्ह्यात आहे. हा मतदारसंघ औरंगाबाद लोकसभा मतदारसंघाचा एक भाग आहे. २००९ साली झालेल्या विधानसभा निवडणुकीत हर्षवर्धन रायभान जाधव यांचा विजय झाला. त्यांनंतर २०१४ साली देखील ते पुन्हा निवडून आले. मराठा आरक्षणाच्या मुद्द्यावरून विद्यमान आमदार हर्षवर्धन जाधन यांनी राजीनामा दिला.
मतदारसंघ क्रमांक – १०५
मतदारसंघ आरक्षण – खुला
मतदारांची संख्या
पुरुष – १,४९,३७३
महिला – १,३१,०७२
एकूण – २,८०,४४५
विद्यमान आमदार – हर्षवर्धन रायभान जाधव
कन्नड मतदारसंघाचे हर्षवर्धन रायभान जाधव हे विद्यमान आमदार आहेत. या अगोदरही २००९ च्या विधानसभा निवडणुकीत ते या मतदारसंघातून निवडून आले आहेत. हर्षवर्धन जाधव हे उच्च शिक्षित आहेत. त्यांचे बी.ए., डी.बी.ए. शिक्षण झाले आहे. त्यांना समाजकार्याची आवड आहे.
विधानसभा निवडणूक २०१४ निकाल
१) हर्षवर्धन रायभान जाधव, शिवसेना – ६२,५४२
२) उदयसिंग राजपुत, राष्ट्रवादी काँग्रेस – ६०,९८१
३) डॉ. संजय गव्हाणे, भाजप – २८,०३७
४) मारूती राठोड, रासप – ५,७३२
