दरड कोसळल्यामुळे २१ तारखेपासून बंद असलेला माळशेज घाट अखेर वाहतूकिसाठी खुला करण्यात आला आहे. मुसळधार पावसामुळे माळशेज घाटामध्ये मोठी दरड कोसळली होती. खबरदारीच्या कारणास्तव या घाटातील दोन्ही बाजूची वाहतूक बंद करण्यात आली होती. गेल्या चार दिवसापासून दरड हटवण्याचे काम सुरु होते. हे काम पूर्ण झाल्यानंतर हा घाट पुन्हा सुरु करण्यात आला आहे. दाट धुक आणि मुसळधार पाऊस यामुळे दरड हटवण्यात अडथळा निर्माण झाले होते. अखेर चार दिवसाच्या प्रयत्नांनंतर दरड हटवण्यात आली असून हा मार्ग पुन्हा वाहतूकीसाठी खुला करणयात आला.
पर्यटकांना माळशेज घाटात बंदी
पर्यटकांवर होणार कारवाई
छत्री पाईंटजवळ कोसळली होती दरड
२१ ऑगस्टला माळशेज घाटातील छत्री पाईंटजवळ दरड कोसळली होती. एका ट्रकवर दरड कोसळल्याने ट्रक चालक जखमी झाला होता. अमोल दहिफळे असे या ट्रक चालकाचे नाव असून तो पाथर्डी येथील रहिवाशी होता. घटनेनंतर ट्रक चालकाला सुखरुप बाहेर काढून उपचारासाठी माऊली रुग्णालयात दाखल करण्यात आले होते. या घटनेनंतर माळशेज घाटातून कल्याण आणि इतर ठिकाणी जाणारी वाहतूक पुणे आणि नाशिकच्या दिशेने वळवण्यात आली होती.