मराठा आरक्षणाच्या मागणीवरुन औरंगाबादमध्ये जलसमाधी आंदोलनादरम्यान काकासाहेब शिंदे या तरुणाने गोदावरी नदीमध्ये उडी मारली. त्याच्या मृत्यूनंतर आंदोलनाला हिंसक वळण आले. याच्या निषेधार्थ मंगळवारी मुंबई, पुणे, सातारा, सोलापूर वगळा राज्यभरामध्ये आंदोलन झाले. आज मुंबईसह नवी मुंबई, ठाणे, रायगड आणि पालघरमध्ये मुंबई बंदची हाक देण्यात आली आहे. ठाण्यामध्ये सर्व रस्त्यावर सकाळपासून पोलिसांचा कडक बंदोबस्त तैनात करण्यात आला आहे. सध्या मराठा आंदोलक रस्त्यावर उतरले असून त्यांनी बसची तोडफोड केली आहे.
ठाण्यामध्ये मराठा आरक्षणावरुन आक्रम झालेल्या आंदोलकांनी मुख्यमंत्र्यांचे बॅनर फाडले. भाजपकडून वचनपर्तीसंदर्भात तलावपाळी परिसरामध्ये बॅनर्स लावण्यात आले होते. संतप्त झालेल्या आंदोलकांनी हे बॅनर फाडले.
#MarathaReservation protest enters day 2: Visuals from Thane's Teen Haath Naka. #Maharashtra pic.twitter.com/3eaOT1ziUi
— ANI (@ANI) July 25, 2018
तीन हात नाकामध्ये रास्तारोको
ठाण्याच्या तीन हात नाक्यावर मराठा आंदोलकांनी मोठ्याप्रमाणात रस्त्यावर उतरुन जोरदार घोषणाबाजी केली आहे. या आंदोलनामध्ये महिला देखील सहभागी झाल्या आहेत.
#MarathaReservation protest: A Thane Municipal Transport(TMT) bus vandalised in Wagle estate area of Thane. #Maharashtra pic.twitter.com/IzMutlrp4l
— ANI (@ANI) July 25, 2018
वागळे इस्टेटमध्ये बसची तोडफोड
ठाण्याच्या वागळे इस्टेटमध्ये आक्रमक झालेल्या आंदोलकांनी टीएमटीची बसची तोडफोड केली आहे. बसच्या काचा आंदोलकांनी फोडल्या आहेत.
#MarathaReservation protests: Workers of #MarathaKrantiMorcha forcibly shut shops on Thane 's Gokhale road pic.twitter.com/Efqoow9sp0
— ANI (@ANI) July 25, 2018
आंदोलकांनी दुकानं बंद करायला लावली
ण्यातील नौपाडा येथे गोखले रोडवर मराठा आंदोलकांनी सरकारच्या विरोधात घोषणाबाजी करत आंदोलनाला सुरुवात केली. या आंदोलकांनी दुकानं बंद करण्यास लावली.
#MarathaReservation protests: Tires set ablaze on Majiwada bridge in Thane. #Maharashtra pic.twitter.com/2sTPFB1zRo
— ANI (@ANI) July 25, 2018
माजीवडा पुलावर टायर पेटवून दिले
तर ठाण्याच्या माजीवडा पुलावर संतप्त आंदोलकांनी घोषणाबाजी करत टायर पेटवून दिले. त्यामुळे या पुलावर वाहतूकीची कोंडी झाली आहे.