पंतप्रधान नरेंद्र मोदी हे आज (26 ऑक्टोबर) महाराष्ट्र दौऱ्यावर आहेत. त्यांनी आज शिर्डीमध्ये जाऊन साईबाबांचे दर्शन घेतले. या दौऱ्यात मोदी 86 लाखाहून अधिक शेतकऱ्यांना ‘नमो शेतकरी महासन्मान निधी योजना’ अतंर्गत लाभ दिला. सोबतच निळवंडे धरणाचे जलपूजन करून राज्यात कालव्याचे जाळे पसरवले. या दौऱ्यात पंतप्रधानांच्या हस्ते 7500 कोटी रुपयांच्या बहुविध विकास प्रकल्पांचे उद्घाटन करण्यात आले.
शिर्डी येथे आयोजित विविध विकासप्रकल्पांच्या शुभारंभासाठी पंतप्रधान नरेंद्र मोदी यांचे साई संस्थानच्या हेलिपॅड येथे आगमन झाले. यावेळी राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांनी त्यांचे पुष्पगुच्छ देऊन स्वागत केले.
प्रधानमंत्री नरेंद्र मोदी यांनी आज श्री साईबाबा समाधी मंदिराचे दर्शन घेतले. यावेळी त्यांच्या हस्ते पूजा व आरती करण्यात आली. त्यानंतर पंतप्रधानांनी श्री साईबाबा मंदिराची पाहणी करून मंदिरात उपस्थित भाविकांना अभिवादन केले
पंतप्रधान नरेंद्र मोदी यांनी श्री साईबाबा मंदिराला भेट दिली. त्यांनी श्री साईबाबांचे दर्शन घेऊन आशीर्वाद घेतले आणि मनोभावे पूजा व आरती केली.
पंतप्रधान नरेंद्र मोदी श्री साईबाबा यांच्या समाधी स्थळाचे दर्शनासाठी जात असताना. यावेळी राज्यपाल, मुख्यमंत्री, उपमुख्यमंत्री सोबत होते.
पंतप्रधान नरेंद्र मोदी यांच्या हस्ते आज अहमदनगर जिल्ह्यातील निळवंडे धरणाच्या डाव्या कालव्याचे लोकार्पण करण्यात आले. यावेळी पंतप्रधानांच्या हस्ते जलपूजन करण्यात आले.
