Denmark Open : लिन डॅनला नमवत श्रीकांत उपांत्यपूर्व फेरीत

भारताच्या किदाम्बी श्रीकांतने चीनच्या लिन डॅनला नमवत डेन्मार्क ओपनच्या उपांत्यपूर्व फेरीत प्रवेश केला आहे. त्याने स्पर्धेच्या उप-उपांत्यपूर्व फेरीतील सामन्यात श्रीकांतने लिन डॅनचा १८-२१, २१-१७, २१-१६ असा पराभव केला. उपांत्यपूर्व फेरीत त्याचा सामना भारताच्याच समीर वर्माशी होणार आहे.

लिन डॅन हा बॅडमिंटनमधील सर्वोत्तम खेळाडूंपैकी एक मानला जातो. श्रीकांतचा डॅनवर हा केवळ दुसरा विजय आहे. याआधी श्रीकांत आणि डॅन यांच्यात चार सामने झालेले होते. ज्यात डॅन तीन तर श्रीकांत एक सामना जिंकला होता. डॅनने या सामन्यात चांगली सुरुवात करत पहिला सेट २१-१८ असा जिंकला. पण दुसऱ्या सेटमध्ये श्रीकांतने पुनरागमन केले. त्याने हा सेट २१-१७ असा जिंकला. त्यामुळे हा सामना तिसऱ्या सेटमध्ये गेला. ज्यात श्रीकांतने अप्रतिम खेळ करत हा सेट २१-१६ असा जिंकत सामनाही जिंकला.

King Kidambi tames Super Dan!

One game down & then a brilliant come back by @srikidambi ensured #LinDan crashes out of #DenmarkOpenSuper750 Defending champion,Srikanth won the match 18-21;21-17; 21-16 to secure a QF berth & 2nd career win against the mighty Dan. #IndiaontheRise pic.twitter.com/hASePHe89h

— BAI Media (@BAI_Media) October 18, 2018

उपांत्यपूर्व फेरीत समीर वर्माशी सामना

श्रीकांतचा उपांत्यपूर्व फेरीत समीर वर्माशी सामना होईल. समीरने गुरूवारी एशियन गेम्स २०१८ मध्ये सुवर्णपदक जिंकणाऱ्या जोनाथन क्रिस्टीचा २३-२१, ६-२१, २२-२० असा पराभव केला होता. या विजयामुळे समीरने स्पर्धेच्या उपांत्यपूर्व फेरीत प्रवेश केला होता.

Yet another powerpacked performance from Sameer Verma!

India’s @sameerv2210 continues to dazzle at the #DenmarkOpenBadminton;
defeats World No 13 @jonatan979 23-21; 6-21; 22-20 to reach the quarter finals. More power to you youngman! ???? pic.twitter.com/rABs3NIlYf

— BAI Media (@BAI_Media) October 18, 2018