भक्षाचा पाठलाग करताना बिबट्या चक्क शौचालयात शिरल्याची धक्कादायक घटना समोर आली आहे. कर्नाटकच्या दक्षिण कन्नड जिल्ह्यातील सुब्रह्मण्य प्रदेशातील किडू रिझर्व फॉरेस्टच्या किनाऱ्यावर असलेल्या फार्म हाऊसमध्ये हा प्रकार घडला आहे. बिबट्या कुत्र्याचा पाठलाग करण्यासाठी गेला आणि आत अडकून पडला. तब्बल सात तास कुत्रा आणि बिबट्या शौचालयात अडकले होते. अखेर ७ तासानंतर बिबट्या आणि कुत्र्याची सुटका करण्यात वनविभागाला यश आले.
This photo was taken from outside through a gap in the window. It is a leopard and a dog stuck together since this morning inside the toilet of a house in Kadaba, Dakshina Kannada district. I am told the leopard escaped at 2 pm and the dog is alive! pic.twitter.com/hgjJhaXW03
— Prajwal (@prajwalmanipal) February 3, 2021
नेमके काय घडले?
भटक्या कुत्र्याला पाहताच बिबट्याने त्याची भक्षा करण्यासाठी त्याचा पाठलाग केला. स्वत:ला वाचवण्यासाठी कुत्र्याने आपला वेग वाढवला आणि धूम ठोकली. मात्र, बिबट्याने कुत्र्याचा पिछा काही सोडला नाही. अखेर कुत्रा एका फार्म हाऊसच्या शौचालयात शिरला. त्याच्या पाठोपाठ बिबट्यानेही शिरकाव केला. मात्र, कुत्र्याचा पाठलाग करणे बिबट्याला महागात पडले. कुत्रा आणि बिबट्या त्या शौचालयात तब्बल ७ तास अडकले. ही घटना बिलिनेल गावच्या कैकंबा येथील रेप्पांच्या फार्म हाऊसमध्ये घडली आहे.
A stray dog was chased by a leopard into a bathroom, were trapped inside in Karnataka this morning. Crazy visuals. Here’s the attempt to catch the leopard but it manages to escape. @prajwalmanipal pic.twitter.com/AFeEsilnCL
— Nikhita Venugopal (@nkvenugopal) February 3, 2021
वनविभागाने केली ७ तासाने सुटका
उप वनसंरक्षक व्ही. करिकलन यांनी दिलेल्या माहितीनुसार; रेगप्पा यांच्या कुटुंबातील एका सदस्याला शौचालयातून आवाज आला. त्यामुळे त्यांनी शौचालयात डोकावून पाहिले तर त्यांना शौचालयात बिबट्या आणि कुत्रा आढळून आला. त्यानंतर त्यांनी शौचालयाच्या दरवाजाला कुलूप लावले आणि वनविभागाला पाचारण केले. मिळालेल्या माहितीनुसार, वनविभागाचे कर्मचारी तात्काळ घटनास्थळी दाखल झाले. त्यांनी घटनेचा आढावा घेत शौचालयाच्या बाहेर बिबट्याला पकडण्यासाठी पिंजरा लावला. पिंजरा लावल्यानंतर शौचालयााचे कुलूप उघडले आणि बिबट्याला पिंजऱ्यात पकडले. अखेर ७ तासाने बिबट्या आणि कुत्र्याची यशस्वीरित्या सुटका करण्यात आली.
हेही वाचा – काय सांगताय! बँकेत पैसे नाही तर मिळतायत ‘बकऱ्या’
