ओडिशा राज्यात खळबळ
चावी हरवल्याचे कळल्यापासून राजकीय पक्षांमध्ये आरोप-प्रत्यारोप सुरु झाले आहेत. पुरी शंकराचार्य स्वामी निश्चलानंद सरस्वती यांनी या प्रकारानंतर ओडिशा सरकारवर टीकेची झोड उठवली आहे. तसेच भाजपा सरकारनेही या प्रकारानंतर ओडिशाचे मुख्यमंत्री नवीन पटनायक सरकारकडून स्पष्टीकरण मागवले आहे. ओडिशातील भाजप प्रवक्ते पीतांबर आचार्य म्हणाले की, मुख्यमंत्री नवीन पटनायक यांनी जगन्नाथ मंदिरातल्या रहस्यमयी खजिन्याची चावी गायब झाल्याबाबत स्पष्टीकरण द्यायला हवे. दरम्यान पटनायक यांनी यासंदर्भात चौकशीचे आदेश दिले आहेत.
खजिना लुटण्याचा प्रयत्न
५० कोटी रुपयांचे वार्षिक उत्पन्न असलेल्या या मंदिराची एकूण मालमत्ता २५० कोटी रुपयांच्या आसपास आहे. १२ व्या शतकापासून आतापर्यंत १८ वेळा जगन्नाथ मंदिरातील खजिना लुटण्याचा प्रयत्न झाला आहे. परंतु अद्याप कोणालाही हा खजिना लुटण्यात यश आलेलं नाही. जगन्नाथ मंदिरात ७ कक्ष असून, यातील मंदिराचे फक्त ३ दरवाजे भाविकांसाठी कायम खुले असतात.