भारतीय रेल्वेमधून प्रत्येक दिवशी लाखोंच्या संख्येने प्रवाशी प्रवास करतात. रेल्वेकडून विकण्यात येणाऱ्या अन्नाच्या दर्जावर नेहेमीच प्रश्नचिन्ह उपस्थित करण्यात आले होते. रेल्वेच्या जेवण बनवण्याच्या पद्धतींचे सोशल मीडियावर अनेक व्हिडिओ व्हायरल झाले होते. लोकांमध्ये रे्लवेच्या सेवेबाबत शंका निर्माण होऊ नये यासाठी रेल्वे मंत्रालयाने एक नवीन ऑनलाइन सेवा सुरु केली आहे. रेल्वेमंंत्री पियुष गोयल यांनी या सेवेची सुरुवात केली आहे. या सेवेअंतर्गत रेल्वे किचनची अवस्था प्रवाशी थेट बघू शकणार आहेत. यासाठी प्रावाशांना रेल्वेच्या संकेत स्थळावर जावे लागणार आहे. किचनवर लक्ष ठेवण्याऐवजी प्रवाशांना त्यांच्या तक्रारी, तिकीट संबधी प्रश्नही विचारता येणार आहेत.
रेलवे में पारदर्शिता और जवाबदेही की दिशा में एक और कदम बढाते हुए आज Rail Drishti प्लेटफॉर्म को लांच किया, इसे https://t.co/pyi60U7DlO पर देख सकते हैं। इसका उपयोग कर सामान्य नागरिक भी रेलवे के बारे में जानकारियाँ ले सकते है। https://t.co/SQ39EZ9eAR pic.twitter.com/5hYBf2FtmS
— Piyush Goyal (@PiyushGoyal) February 25, 2019
काय म्हणाले गोयल
या सेवेसाठी प्रवाशांना www.raildrishti.cris.org.in या वेबसाइटवर जावे लागणार आहे. या सेवेच्या उदघाटना वेळी पियुष गोयल यांनी म्हटले की,”लोकांना रेल्वे पासून असलेल्या अपेक्षांना पूर्ण करण्याचे काम आम्ही करत आहोत. या सेवेच्या आधारे आम्ही डिजीटल रेल्वेचे स्वप्न पूर्ण करत आहोत. या वेबसाइटवर प्रवाशांना रेल्वे संबधी पूर्ण माहिती मिळेल.”