‘चित्रपट हे समाजाचे प्रतिबिंब असते. महिला आणि मुलींचे लैंगिक शोषण हे केवळ चित्रपटांमध्येच होते असं म्हणणं असेल, तर मी त्याच्याशी सहमत नाही. समाजात ४-८ वर्षांच्या मुलींचं लैंगिक शोषण झल्याच्या घटना समोर येत आहेत. दरवेळी सिनेमा आपल्याला चांगली मूल्य आणि नैतिकता शिकवेल असं नाही. हे माध्यम केवळ त्यासाठी नाही. बायबलप्रमाणे चित्रपट तुम्हाला चांगला माणून बनवेल, असा तुमचा समज असल्याच तो चुकीचा आहे.’
‘लैंगिक शोषणाला जबाबदार चित्रपट असो किंवा माणसांमधील वृत्ती सर्वांनी सावध राहण्याची गरज आहे. तुमची काळजी तुम्ही घ्या. तुमच्यावर होणाऱ्या अन्यायाला योग्यवेळी वाचा फोडा.’
गुलजारांप्रमाणेच बॉलीवूड इंडस्ट्रीमधील अन्य काही कलाकारांनीही #MeToo बाबत आपापलं मत व्यक्त केलं आहे. नुकतंच बॉलीवूडचे महानायक अमिताभ बच्चन यांनीही महिलांवर होणाऱ्या लैंगिक अत्याचारांबाबत भाष्य केले. बिग बींनी त्यांच्या वाढदिवसानिमित्त आयोजित करण्यात आलेल्या एका खास कार्यक्रमात एकंदरच या प्रकरणाविषयीचं आपलं मत व्यक्त केलं.