धणे हा मसाल्यातील एक महत्त्वाचा घटक म्हणून ओळखला जातो. तसेच स्वयंपाकात जेवणाची चव वाढवण्यासाठी धण्याचा वापर देखील केला जातो. त्याचप्रमाणे धण्यामध्ये पोटॅशियम, व्हिटॅमिन सी, कॅल्शियम आणि मॅग्नेशियम हे घटक देखील असतात. त्यामुळे धणे हे आरोग्यासाठी उत्तम मानले जातात. मात्र, धण्याचे पाणी पिणे देखील आरोग्यासाठी फायदेशीर आहे. चला तर जाणून घेऊया धण्याचे पाणी पिण्याचे फायदे.
रोग प्रतिकारशक्ती वाढते
धण्याच्या पाण्याचे सेवन केल्यामुळे रोग प्रतिकारशक्ती वाढण्यास मदत होते. कारण धण्यामध्ये ascorbic acid नामक अँटिऑक्सडंट असते. जे इम्युनिटी वाढण्यास मदत करते. धण्याचे सेवन करुन तुम्ही तुमची रोगप्रतिकारशक्ती वाढवू शकता.
तोंडाची दुर्गंधी
बऱ्याच वेळा दातामध्ये अन्नपदार्थ अडकतात आणि आपल्या तोंडाला वास येऊ लागतो. तोंडामध्ये येणाऱ्या या दुर्गंधीला जर तुम्ही कंटाळला असाल तर तुम्ही धण्याचे पाणी पिऊ शकता. यामुळे तोंडाची दुर्गंधी नाहीशी होते.
ग्लुकोज लेव्हल बॅलन्स होते
धण्याच्या पाण्याचे सेवन केल्याने बॉडीची ग्लुकोज लेव्हल बॅलन्स होते. याचा परिणाम असा की, यामुळे डायबिटीसची समस्या कमी होते. ज्यांना डायबेटीसचा त्रास आहे, अशा व्यक्तींनी धण्याच्या पाण्याचे सेवन करावे.
पचनसंस्था सुधारते
धण्याचे पाणी प्यायल्याने पचनसंस्था सुधारते. पचनसंबंधित कोणता त्रास होत असेल तर धण्याच्या पाण्याचे सेवन करावे.
रक्ताची कमतरता दूर होते
धण्याच्या पाण्याचे सेवन केल्याने रक्ताची कमतरता दूर होते. धण्याच्या पाण्यामध्ये व्हिटॅमिन सी आणि फोलिक acid असते. यामुळे रक्ताची कमतरता दूर होते.
हेही वाचा – झोपायच्या अगोदर नक्की खा ‘लवंग’