आपल्या दैनंदिन चविष्ट आहारासोबतच पौष्टिक आहार देखील महत्वाचा असतो. अशावेळी वारंवार आहारात नवनवीन पदार्थांचा सहभाग करा.
गव्हाच्या पिठाचे डोसे साहित्य :
- Advertisement -
- 1 वाटी कणिक
- 2 चमचे रवा
- 1 मध्यम कांदा
- 2 ते 3 हिरव्या मिरच्या
- जिरे , मोहरी
- कढीपत्ता 5 ते 6 पाने
- मीठ चवीप्रमाणे
- तेल आवश्यकतेनुसार
कृती :
- सर्वप्रथम गव्हाचे पिठ आणि रवा एकत्र करून त्यात पाणी, मीठ घालून भिजवून घ्या. हे मिश्रण 10 मिनीटांसाठी बाजूला ठेवा. म्हणजे रवा चांगला फुलेल.
- दुसरीकडे कढईत 2 चमचे तेल गरम करून घ्या.
- आता त्यात मोहरी, जिरे, कांदा, मिरची, कढीपत्ता घालून परतून घ्या. परतलेले हे मिश्रण कणिक आणि रव्याच्या भिजवलेल्या पिठात घालून सर्व मिश्रण एकजीव करा.
- हे मिश्रण पातळ ठेवा, म्हणजे डोसे कुरकुरीत होतील.
- मग फ्राईंग पॅनला तेल लावून ते गरम करून घ्या.
- गरम पॅनमध्ये आधी बाजूने आणि मग मध्ये मिश्रण घाला. एक बाजू चांगली खरपूस भाजल्यावर दुसऱ्या बाजूनेही भाजून घ्या.
- अतिशय कुरकुरीत डोसे तयार होतात.
- आता गरमागरम डोसे सर्वांना सर्व्ह करा.