महाराष्ट्राची राजधानी मुंबईतही कोरोनाने कहर केला आहे. कोरोनाच्या संसर्गामुळे मुंबई पोलिसांच्या सहाय्यक पोलीस उपनिरीक्षकाचा शनिवारी रात्री उशिरा कोरोनाने मृत्यू झाला. या व्हायरसमुळे राज्यात आतापर्यंत ७ पोलिसांचा बळी गेला आहे, तर मुंबईत ही संख्या ४ वर पोहोचली आहे. मिळालेल्या माहितीनुसार, महाराष्ट्रात गेल्या २४ तासात कोरोनाच्या संसर्गामुळे पोलिसांच्या मृत्यूची ही दुसरी घटना आहे. यापूर्वी नाशिक ग्रामीणमधील एका पोलीस कर्मचाऱ्याचा कोरोनाने बळी घेतला होता.
ASI Sunil Dattatray Kalgutkar from Vinoba Bhave Nagar Police Station, Mumbai lost his life to Coronavirus. May his soul rest in peace.
DGP and all ranks of Maharashtra Police offer their condolences to the Kalgutkar family.
— Maharashtra Police (@DGPMaharashtra) May 10, 2020
मुंबईतील विनोबा भावे नगर पोलीस ठाण्यात होते तैनात
शनिवारी रात्री कोरोनाच्या संसर्गामुळे प्राण गमवावे लागलेले सहाय्यक पोलीस उपनिरीक्षक सुनील दत्तात्रेय कलगुटकर हे मुंबईतील विनोबा भावे नगर पोलीस ठाण्यात तैनात होते. हे पोलीस स्टेशन कुर्ला झोपडपट्टी परिसरात आहे. या संपूर्ण भागात झोपडपट्ट्यांची संख्या मोठी आहे. मुंबईत कोरोनाची लागण झालेल्या पोलिसांची संख्या ३५० हून अधिक झाली आहे, तर महाराष्ट्रातील ही संख्या ७५० च्या वर पोहोचली आहे. आतापर्यंत राज्यात कोरोना व्हायरसमुळे एकूण ७ पोलिसांना आपला जीव गमवावा लागला आहे.
786 police personnel have tested positive for #COVID19 in the state, of which 703 are active cases, 76 recovered & 7 deaths. There have been 200 incidents of assault on police personnel during the lockdown period & 732 accused have been arrested for the same: Maharashtra Police pic.twitter.com/BXT7FkqfHd
— ANI (@ANI) May 10, 2020
लोकांशी थेट संपर्क आल्याने पोलिसांना संसर्ग
कोरोना व्हायरसमुळे पोलिसांना देखील मोठ्या संख्येने कोरोनाचा संसर्ग होत आहेत आणि हिच परिस्थिती संपूर्ण देशात दिसून येत आहे. कोरोनाची लागण झालेल्या लोकांशी बर्याचदा पोलीस थेट संपर्कात येतात, ज्यामुळे त्यांना संसर्ग देखील होत असल्याचे समोर येत आहे.