‘बेस्ट’च! मुंबईत सुरू होणार ई-बाईक सेवा; प्रति किमी 3 रुपये भाडे

मुंबईकरांसाठी बेस्टने एक आनंदाची बातमी दिली आहे. संपूर्ण मुंबईत लवकरच ई-बाईक सेवा सुरू होणार आहे. बेस्टने प्रवास करणाऱ्या प्रवाशांना बसमधून उतरल्यानंतर या ई-बाईकने आपल्या गंतव्यस्थानी जाता येणार असल्याची माहिती बेस्टने दिली आहे.

best bus

मुंबईकरांसाठी बेस्टने एक आनंदाची बातमी दिली आहे. संपूर्ण मुंबईत लवकरच ई-बाईक सेवा सुरू होणार आहे. बेस्टने प्रवास करणाऱ्या प्रवाशांना बसमधून उतरल्यानंतर या ई-बाईकने आपल्या गंतव्यस्थानी जाता येणार असल्याची माहिती बेस्टने दिली आहे. बेस्टच्या या निर्णयामुळे चाकरमान्यांना दिलासा मिळाला आहे. (Best E Bike Service in mumbai)

बेस्टने याबाबत प्रसिद्धीपत्रकाद्वारे माहिती दिली आहे. बेस्टच्या माहितीनुसार, ऑक्टोबरमध्ये 180 बस थांब्यांवर व्यावसायिक तसेच निवासी भागात 1000 ई-बाईक तैनात केल्या जाणार आहेत. सुरुवातीला या ई-बाईक्स मुंबईमध्ये अंधेरी, विलेपार्ले, जुहू, सांताक्रूझ, खार, वांद्रे माहीम आणि दादर येथे उपलब्ध केल्या जाणार आहेत.

याशिवाय, शहराच्या उर्वरित भागांत त्यांचा विस्तार केला जाणार असल्याची माहिती देण्यात आली आहे. जून 2023 पर्यंत 5000 ई-बाईक सेवेत आणण्याचे बेस्टचे लक्ष असल्याचे समजते. लवकरच ही सेवा बेस्ट चलो अॅपसोबत संलग्न केली जाणार आहे.

ई-बाईकचा प्रवाशांना काय होणार फायदा?

  • व्यावसायिक आणि निवासी भागात प्रमुख बस थांब्यांवर व्यवस्था
  • मूळ भाडे फक्त 20 रुपये, प्रति किमी प्रवासासाठी 3 रुपये आणि 1.50 रुपये प्रति मिनिट.
  • सुरक्षित वेग. शहरातील प्रवासांसाठी अत्यंत सुरक्षित असा 15 किमी प्रति तास पर्यंत मर्यादित आहे.
  • वायू किंवा ध्वनी प्रदूषण होणार नाही. ई-बाईक कोणत्याही प्रकारचे वायू किंवा ध्वनी प्रदूषण करत नाहीत.
  • गर्दी कमी असलेल्या रस्त्यावरील प्रत्येकासाठी जलद प्रवास.
  • ई-बाईक चालवण्यासाठी परवान्याची आवश्यक नाही.

ई-बाईकची वैशिष्ट्ये

  • बेस्टकडून सेवेत आणल्या जाणाऱ्या या ई-बाईक वोगो कंपनीच्या आहेत.
  • या बाईकची गती कमी असल्याने याला चालवण्यासाठी चालक परवान्याची आवश्यक नाही.
  • या बाईकचा लाभ सर्वसामान्यांना घेता येणार आहे.
  • ही बाईक गिअरलेस आहे.
  • बाईक अनलॉक करण्यासाठी आणि चालवण्यासाठी Voga या वापर आणि नंतर फेरी संपल्यानंतर त्यांना पुन्हा लॉक करता येईल.
  • चलो अॅपच्या माध्यमातून तुम्ही ही बाईक भाड्याने घेऊ शकता.
  • यासाठी तुम्ही ओनलाईन युपीआयच्या माध्यमातून भाडयाची रक्कम देऊ शकता.

हेही वाचा – घटस्फोटीत पतीला पत्नीने चहा-नाश्ता द्यायची गरज नाही, कोर्टाचा निर्णय