आषाढी एकादशीच्या निमित्ताने राज्यभरात विठ्ठल नामाचा गजर होताना दिसत आहे. तसेच अवघे पंढरपुर भक्ती सागरात तल्लीन झाले आहे. आज पहाटे पासूनच पंढरपुरातील श्री विठ्ठल – रुख्मिणीचे दर्शन घेण्यासाठी अलोट गर्दी दिसून येत आहे. पंढरपुरातील विठ्ठल मंदिरात मुख्यमंत्र्यांनी सहपत्नी श्री विठ्ठल – रुख्मिणीचे दर्शन घेत शासकीय महापूजा केली. तर वडाळ्यातील प्रतिपंढरपूरात देखील भाविकांनी मोठी गर्दी केली असून सकाळपासूनच भक्तांनी लांबच लांब रांगा लावल्या आहेत. त्याचबरोबर राज्याचे उच्च व तंत्रशिक्षण मंत्री विनोद तावडे यांनी देखील पहाटे सपत्नी वडाळ्यातील प्रतिपंढरपूर म्हणून ओळख असलेल्या विठ्ठल मंदिरात जाऊन विठ्ठल – रखुमाईची विधीवत पूजा केली आहे.
तुका म्हणे देह भरिला विठ्ठलें
कामक्रोधें केलें घर रितें।।
प्रति पंढरपूर अशी ओळख असणाऱ्या मुंबईतील वडाळा येथील श्री विठ्ठल रखुमाई मंदिरामध्ये विधिवत महाअभिषेक व पूजा केली. महाराष्ट्रातील जनतेच्या कल्याणासाठी साकडे घातले.
सर्व विठ्ठलभक्तांना आषाढी एकादशीच्या खूप खूप शुभेच्छा! pic.twitter.com/qcFsxF4RV8— Vinod Tawde (@TawdeVinod) July 12, 2019
काय म्हणाले विनोद तावडे?
श्री विठ्ठल – रुख्मिणीचे दर्शन घेतल्यानंतर विनोद तावडे यांनी प्रतिक्रिया दिली आहे. त्यावेळी ते म्हणाले की, ‘राज्यातील जनतेला सुखी, समृद्ध आणि निरोगी ठेव. तसेच मुंबईकरांना सुखी – समाधीनी राहू दे अशी प्रार्थना त्यांनी विठ्ठलाकडे केली असल्याचे त्यांनी सांगितले आहे’.
हेही वाचा – यातायाती धर्म नाही विष्णुदासा; पंढरपूरला मुस्लिम वारकऱ्यांचाही सहभाग
हेही वाचा – मुख्यमंत्र्यांना पुढच्या वर्षीही पुजेचा मान