कधीही कोसळेल वांद्र्यातला ‘हा’ भुयारी मार्ग!

वांद्र्याच्या कार्डिनल स्कूल ते खार पाईपलाईन, निर्मल नगरपर्यंतच्या भुयारी मार्गाची झालेली अवस्था पाहाता अंधेरी पूल दुर्घटनेचं गांभीर्य अद्याप कुणाला आल्याचं फारसं दिसत नाही. गव्हर्नमेंट कॉलोनीजवळच्या या भुयारी मार्गाची अवस्था इतकी वाईट झाली आहे की पावसाचं पाणी मुरून या भुयारी मार्गावरचा स्लॅब कधीही कोसळू शकतो. गंभीर बाब म्हणजे या मार्गाचा वापर परिसरातले सुमारे अडीच हजाराहून जास्त शाळकरी मुलं करतात.