काही दिवसांपूर्वी बॉलिवूड अभिनेत्री शर्लिन चोप्राने अभिनेत्री शिल्पा शेट्टी आणि तिचा पती राज कुंद्रावर लैंगिक छळ केल्याची तक्रार दाखल केली होती. शिवाय फसवणूक केल्याचा आरोप देखील शर्लिनने लावला होता. आता याप्रकरणी शिल्पा आणि राजची रिअॅक्शन आली असून शर्लिन चोप्रा विरोधात अब्रुनुकसानीची तक्रार नोंद केली आहे. शिवाय शिल्पा आणि राजने शर्लिनला माफी मागून ५० कोटींची भरपाई देण्याची मागणी केली असून शर्लिनने केलेले आरोप खोटे असल्याचे सांगितले आहे.
शर्लिन चोप्राने शिल्पा शेट्टी आणि राज कुंद्रावर काही दिवसांपूर्वी शारिरीक आणि मानसिक छळ केल्याचा आरोप केला होता. याप्रकरणी तिने मुंबई पोलिसात तक्रार दाखल केली होती. आता शिल्पा आणि राजच्या वकीलाने शर्लिनवर ५० कोटी रुपयांचा अब्रुनुकसानीचा दावा ठोकला आहे. शिल्पा आणि राजच्या वकिलाने अधिकृत निवेदन जारी करत म्हटले की, शर्लिन चोप्राद्वारे शिल्पा शेट्टी आणि राज कुंद्रावर जेवढे आरोप करण्यात आले आहेत, ते सर्व खोटे आहेत. याचा कोणताही पुरावा नाही आहे.
यापूर्वी शर्लिन चोप्राने पोर्न रॅकेटप्रकरणी राज कुंद्रा विरोधात स्टेटमेंट नोंद केले होते. याशिवाय तिने असे म्हटले होते की, राज कुंद्रा आणि त्याचे क्रिएटिव्ह डायरेक्टरने मोबाईल अॅप हॉटशॉट्ससाठी तिच्याकडून शूट करून घेण्याकरिता मागे लागले होते. हे आरोप शर्लिनच्या डिटेल्स स्टेटमेंट जारी केले होते. याप्रकरणी मुंबई क्राईम ब्रांचद्वारे दाखल केलेल्या चार्जशीटमधील शर्लिने आरोप केलेला महत्त्वाचा भाग होता.
हेही वाचा – शाहरुखसोबत काम करण्याची ऑफर समांथाने धुडकावली