सुदानमधील सिरॅमिक कंपनीत झालेल्या एलपीजी टँकरच्या शक्तीशाली स्फोटात २३ जणांचा दुर्दैवी मृत्यू झाला आहे. मृतांमध्ये १८ भारतीय असल्याचे सांगितले जात आहे. या स्फोटामध्ये १३० जण जखमी झाले आहेत. सुदानमधील भारतीय दूतावासाने ही माहिती दिली आहे. काल, मंगळवारी सुदानच्या बाहरी भागात असणाऱ्या सीला सिरॅमिक कारखान्यातील स्फोटानंतर १६ भारतीय बेपत्ता झाले होते. तर १८ जणांचा मृत्यू झाल्याचे भारतीय दूतावासाने आपल्या पत्रकात म्हटले आहे.
Have just received the tragic news of a major blast in a ceramic factory “Saloomi” in the Bahri area of the capital Khartoum in Sudan. Deeply grieved to learn that some Indian workers have lost their lives while some others have been seriously injured.
— Dr. S. Jaishankar (@DrSJaishankar) December 4, 2019
निळालेल्या माहितीनुसार, बेपत्ता असलेले काही जण मृतांच्या यादीमध्ये असू शकतात. मृतदेह पूर्णपणे जळालेले असल्यामुळे त्यांची ओळख पटवणे कठीण आहे. या स्फोटानंतर दूतावासाने बेपत्ता झालेले, रुग्णालयात दाखल असलेले तसेच बचावलेल्यांची यादी प्रसिद्ध केली आहे. दूतावासाच्या माहितीनुसार सात जण रुग्णालयात असून चौघांची प्रकृती गंभीर असल्याचे समजते. बचावलेल्या ३४ भारतीयांची सलुमी सिरॅमिक फॅक्टरीच्या कारखान्यात निवासाची व्यवस्था करण्यात आली आहे. घटनास्थळी सुरक्षेची आवश्यक उपकरणे उपलब्ध नसल्याचेही सांगितले जात आहे.